افغانستان

ولسي جرګه: امریکایان دې هم د روسانو په څېر وشړل شي

نن ټکی اسیا (چهارشنبه، ۶ مرغومي، ۱۳۹۶ل): ولسي جرګې د نننۍ ناستې په امتیازي ساعت کې د جدي د شپږمې او پر افغانستان د روسي يرغل په اړه خبرې وکړي.

دغه جرګه چې پخپله غېږي کې، د روسانو پر وړاندې مقاومت کوونکي او د هغوی ملګري او مدافعین هم لري، دا ورځ د وحشت د پیل ورځ بولي.

سپوږمۍ راډيو د ولسي جرګې د غړو په حواله وايي، دوی د امریکایانو یرغل د روسانو له یرغل سره ورته وګاڼه او په وینا يې دا برید د هیچا په ګټه نه دی تمام شوی.

دوی پر امریکایانو غږ وکړ چې ژر تر ژره افغان خاوره پرېږدي او افغانان پخپله حکومت جوړولو ته پرېږدي.

ولسي جرګې د لومړي ځل لپاره غږ پورته کړ، چې په افغانستان کې د جګړې یوازينی عامل د بهرنیانو پوځي موجودیت دی.

د دوی په خبره که بهرنیان ووځي، د جګړې بل لوري ته به د جګړې پلمه پاتې نه شي باید ټوپک پر ځمکه کېږدي.

د ولسي جرګې غړو د بهرنیانو وتل او د سولې د خبرو پیل د ستونزو حل بولي.

تر دې وړاندې هم ولسي جرګې څو ځلې له امریکایانو سره د تړون لغوه کېدل غوښتي، خو دا ډول غوښتنو یوازې «احساساتي» بڼې درلودلې او موده وروسته دا غږ خاموش پاتې شوی دی.

ولسي جرګه په داسې حال کې د بهرنیانو وتل غواړي، چې افغان حکومت د امریکا د نوې جنګي ستراتېژۍ پراخ هرکلی کړی دی.

له ننه شاوخوا اته دېرش کاله وړاندې روسي یرغلګرو د خپلو افغان ملګرو په ملتیا پر افغانستان یرغل وکړ، چې نهه کاله وروسته يې ماتې وخوړه او وتښتېدل.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x