افغانستان

امرالله صالح: حکمتیار د داعش زندانیانو د خوشي کولو هڅې کوي

نن ټکی اسیا (شنبه، ۹ مرغومي، ۱۳۹۶ل): د ملي امنیت پخوانی رییس امرالله صالح وايي، حکمتیار له داعشیانو سره کلکه اړیکه لري او د هغوی د زنداني کسانو د خوشي کولو هڅې کوي.

صالح پخپله ټویټر پاڼه لیکلي، افغان حکومت تر شلو ډېر داعشي زندانیان په واک لري، چې ټول يې له حکمتیار سره اړیکه لري.

هغه لیکلي، د دې لپاره چې د حکمتیار او داعشیانو اړیکي رسوا نه شي او د حکمتیار او حکومت جوړې ته تاوان ونه رسېږي، د دې داعشیانو دوسيې پټې ساتل شوې دي.Salih

که څه هم وړاندې تر دې هم ځينو شنونکو او د ولسي جرګو غړو داعش د امریکا، پاکستان او افغان حکومت ګډه پروژه بللې وه، خو دا لومړی ځل دی چې صالح د حکمتیار او داعش اړيکي رسوا کوي.

انجینر ګلبدین حکمتیار چې د تېر کال په تله میاشت کې يې له حکومت سره د سولې په نوم تړون لاسلیک کړ، د داعشي وسله والو د پيدايښت په پیل کې هم د رسمي اعلاميې له لارې د دوی ملاتړ اعلان کړ.

د ۲۰۱۵ میلادي کال په جولای میاشت کې حکمتیار د رسمي اعلاميې له مخې په خپلو ملاتړو غږ وکړ، چې که داعش او طالبان په جګړه کې ښکېوتل باید د داعشیانو ملا وتړئ.

که څه هم دا اعلامیه د حزب اسلامي پر سمي ویبپاڼه خپره شوه، خو څو ورځې وروسته حکمتیار پخپله رد کړه او دا يې د رسنیو «تحریف» وباله.

تر اوسه حزب اسلامي د امرالله صالح د څرګندونو په اړه څه نه دي ويلي، خو تېره اوونۍ يې ګیله کړې وه، چې حکومت يې د زندانیانو په خوشي کولو کې بې غوري کوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x