دیني، سیرت او تاریخ

په جمع لمونځ

دکتور کفایت الله وردګ

مونځ د الله جل جلاله یوه مبارکه فریضه ده الله جل جلاله د مونږ ته په ښه طریقه د کولو توفیق راکړي په یوه حدیث کې مونځ ته د مسلمان او کافر په مینځ کې فرق ویل شوی دی دا مونځ په جمع کول هم یو غوره سنت دی او د ډېر ثواب سبب کیږي د حضرت ابی هریره رضی الله عنه څخه روایت دی فرمایی رسول الله صلی الله علیه وسلم فرمایل : صَلاَةُ الرَّجُلِ فِي الجَمَاعَةِ تُضَعَّفُ عَلَى صَلاَتِهِ فِي بَيْتِهِ، وَفِي سُوقِهِ، خَمْسًا وَعِشْرِينَ ضِعْفًا؛ وَذَلِكَ أَنَّهُ إِذَا تَوَضَّأَ، فَأَحْسَنَ الوُضُوءَ، ثُمَّ خَرَجَ إِلَى المَسْجِدِ، لاَ يُخْرِجُهُ إِلاَّ الصَّلاَةُ، لَمْ يَخْطُ خَطْوَةً، إِلاَّ رُفِعَتْ لَهُ بِهَا دَرَجَةٌ، وَحُطَّ عَنْهُ بِهَا خَطِيئَةٌ، فَإِذَا صَلَّى لَمْ تَزَلِ المَلاَئِكَةُ تُصَلِّي عَلَيْهِ مَا دَامَ فِي مُصَلاَّهُ: اللَّهُمَّ صَلِّ عَلَيْهِ، اللَّهُمَّ ارْحَمْهُ. وَلاَ يَزَالُ أَحَدُكُمْ فِي صَلاَةٍ مَا انْتَظَرَ الصَّلاَةَ. صحیح البخاري

ترجمه : د سړي مونځ په جمعه کې د کور له مانځه نه او په بازار کې له مانځه نه غوره دی په پنځه ویشت چنده او دا داسې چې ده کله اودس وکولو او ښه اودس یې وکولو بیا جومات ته ووتلو او جومات ته صرف د مانځه لپاره ووتلو هر قدم چې پورته کوي الله جل جلاله به هغه سره ده ته یوه درجه ور پورته کوي او له ده څخه یوه ګناه کموي نو چې مونځ وکوي ترڅو چې دی په مانځه کې وي ملائک دده لپاره رحمت غواړي له الله جل جلاله نه غواړي چې اې الله جل جلاله په ده باندې درود نازل کړه په ده باندې رحم وکوه او په تاسې کې چې څوک ترڅو پورې د مانځه انتظار کوي دا په مانځه کې دی .

په یوه بل حدیث کې رسول الله صلی الله علیه وسلم د جمع د مانځه ثواب ښکاره کوي له حضرت ابی امامة رضی الله عنه څخه روایت دی له رسول الله صلی الله علیه وسلم څخه نقل کوي چې فرمایل یې : مَنْ خَرَجَ مِنْ بَيْتِهِ مُتَطَهِّرًا إِلَى صَلاَةٍ مَكْتُوبَةٍ فَأَجْرُهُ كَأَجْرِ الْحَاجِّ الْمُحْرِمِ. سنن ابی داود

ترجمه : څوک چې له کور نه بهر شی فرض مانځه ته د هغه اجر لکه د حاجي او عمره کوونکی اجر دی چې په احرام کې وي .

الله جل جلاله د مونږ ته بښنه وکوي چې معمولي عذر راته مخې ته شي بیا راڅخه د جمع مونځ پاتې وي حال دا چې حضرت ابو هریره رضی الله عنه نقل کوي فرمایی : أَتَى النَّبِيَّ صلى الله عليه وسلم رَجُلٌ أَعْمَى، فَقَالَ: يَا رَسُولَ اللهِ؛ إِنَّهُ لَيْسَ لِي قَائِدٌ يَقُودُنِي إِلَى الْمَسْجِدِ. فَسَأَلَ رَسُولَ اللهِ صلى الله عليه وسلم أَنْ يُرَخِّصَ لَهُ، فَيُصَلِّيَ فِي بَيْتِهِ، فَرَخَّصَ لَهُ ، فَلَمَّا وَلَّى، دَعَاهُ، فَقَالَ: هَلْ تَسْمَعُ النِّدَاءَ بِالصَّلاَةِ؟ ، قَالَ: نَعَمْ. قَالَ: فَأَجِبْ. رواه مسلم

ترجمه : رسول الله صلی الله علیه وسلم ته یو ړوند سړی راغلو ورته یې وویل : یا رسول الله صلی الله علیه وسلم زما لارښود نشته چې جومات ته مې راولي له رسول الله صلی الله علیه وسلم څخه یې وغوښتل چې ده ته اجازه ورکړي چې دی د جمع مانځه ته رانشي دی په کور کې مونځ وکوي نو رسول الله صلی الله علیه وسلم هغه ته اجازه وکوله کله چې لاړو بیا یې را وغوښت ورڅخه یې وپوښتل: آیا د آذان اواز آورې؟ هغه کس وویل : هو ! رسول الله صلی الله علیه وسلم ورته وویل : بیا یې ومنه (یعني بیا جومات ته راشه چې د اذان اواز در رسیږي زه نشم کولی تاته د نه راتلو اجازه درکړم) .

یاد ګېرنه : دا لړۍ مونږ ددې لپاره شروع کړې چې تر تاسې پورې یو سنت در ورسیږي ، که لتاسې نه هېر شوي وی در په یاد به شي ، که تاسې ته په یاد وي ستاسې لپاره به تکرار شي او که ستاسې نه وو زده دا به ستاسې لپاره نوي او مبارک معلومات شي د صدقه جاریه په نیت یې له خپلو ملګرو سره شریکول او ثواب ګټل یې ستاسې کار دی .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x