غزل / جواد مل

شهادت مي

ما چي له قرآنه سه قربان د بدن ویني کړې
خدای راباندې مستي د جنت حوري میني کړې

ما پسې زما پہ غم غمجنو ګورئ مه ژاړئ
اوس راتہ پہ برخه اللہ ټولي هوسایني کړې

شکر خدایہ شکر چي بستر باندي مړ نہ سومه
څنګه دي قبول کړم وه دي دومره پېرزویني کړې

ځمه و خپل یار تہ ھم تحفہ د تن د وینو وړم
را کہ يي پہ تنده كي خوږې اوبه کوثریني کړې

پام خلګو! دنیا بیخي مکاره ده تېرباسي مو
ښکلي شهادت خو زما د حلق اوبه شیریني کړې

نور يي له رضا پرته ارمان “جوادمل” نہ لرم
دادی پر مزار زما يي رپاندي جنډۍ سپینې کړې

2
تبصره وکړئ

avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
داکتر تاج الدین ملت مل
میلمه
داکتر تاج الدین ملت مل

د نن ټکې اسیا محترمې اداری ته.
ستاسو د دغي غزل چې د جوادمل صیب له خوا د ؛شهادت مې؛ تر عنوان لاندی نشر کړی خورا پریشان کړم. دا نوعه لیکنې زمونږ ځوانان جنګونو ته هڅوي. او هغه جنګږنه چې مزی یی هم د پردو په لاس کی دی. د خدای لپاره پهه خپلو بچو رحم وکړي، نور ور ته دا د جهاد او ټوپک خبري پریږدي. د علم او دین خبری ور ته وکړئ.

هلمندی
میلمه
هلمندی

ګرانه تاج الدین خانه ! داکتری خو لویه خبره ده که دولسم ټولګی څخه په سمه او نره فارغ شوی وی هم د دنیا او افغانستان اوسنی شرایطو د ارزونو له مخی دی داسی ګډی وډی نه لیکی: [[د خدای له پاره په خپلو بچو رحم وکړی د جهاد او ټوپک خبری ورته پریږدۍ د علم او دین خبری ورته وکړی ]] په دی هم بسنه نه کوی لیکی چه : (( دا ډول لیکنی زمونږ ځوانان جنګو ته هڅوی !!!! چه مزی یی هم د پردو په لاس کی دی )) د هغو پردو نوم هم نه اخلی، د… نور لوستل »