دوی خو له پاکستانه توره بلا جوړه کړې

هاشمي اغا

پاکستان د ناټو او دهغوۍ د متحدينو سره ډير څه کړي هوايې ا‌ډې ، اکملاتي لاري ، د سلګونو طالب مشرانو نيول ، استخباراتي معلومات او داسي نور ډير څه يې ور سره کړي.

مګر بيا هم افغان چارواکي ، سياستوالو او خبريالانو ټولو پوره شپاړلس کال په يوه خوله خپل ستوني وشلول چې په افغانستان کې نا امنی ټول د پاکستان د لاسه ده حال دا چې پاکستان د افغان حکومت او ناټو سره د طالبانو په وړاندي په جګړه کې د دوی متحد او ملګری دی.

هدف مي له پاکستان نه دفاع نه بلکه د سرټمبه یارانو پوهاوی دی.

افغان چارواکي او ورسره ناټوګۍ چې له هر پلوه مجهز او پوره دي د مجاهدينو سره په جګړه کې شرمونکې ماته خوړلې ، اوس د خپل شکست پړه پر پاکستان ور اړوي ، افغان چارواکي هم د خپلو خارجي بادارانو په شان په جهاد او د الله پاک جل جلاله په نصرت عقيده نلري ، د مجاهدينو ميړانه ، قرباني او غيرت نه شي زغملای نو ځکه

په اپلتو سر دي.

پښتانه وايي : (وهم دي چيري ډب دي چیري؟!!)

افغان حکومت ته کشونه طالبانو ورکړل خو دوی هر څه پر پاکستان تاوانوي.

که هر څه پاکستان کوي او ستاسو د ورانۍ سبب وي ، ښه په پوه ياست چې د دې پاکستان له لاسه را پېښه ده او نور

نو بیا خو

تاسو محترمينو ته !!! مرګ په کار دی او هغه ځکه چې :

دښمن معلوم سو چې پاکستان دی او تاسي د احمدشاه ابدالي لمسیان ياست!!! ، عسکر ، ټانګونه ، الوتکي ، جنرالان ، پوهان ، روس ته شکست ورکوونکي مجاهدين !! ، د بهرنۍ نړۍ ملاتړ ، زرګونه عسکر ، نړيوال استخبارات ، ميډيا او د زر او زور نور هم ډېر څه لرئ …

بیا ولي؟

د پورته شیانو سره سره د پاکستان مخه نه شی نيولای؟!!

شپاړس کاله وشول خو تاسو لا پر هغه پخواني الارم باندي ولاړ ياست او د پاکستان پاکستان زنګونه وهئ !!!

نه پوهېږو دا اوس د پاکستان غندنه ده که ستاینه ؟!!

پخوانو ښه ويلي (ناکامي غاوجنه ده) ، که ستاسو د بريا کښتۍ همداسي ړنګه بنګه روانه وه نو ليري نده چې تاسو به مو پر بادار او بادار به مو پر تاسو غلامانو د ماتي تورونه سره ور اړوئ!

په همدې هيله !



یادونه: په نن ټکی اسیا کې لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ نن ټکي اسیا کې مو لیکنه خپره شي، اړیکه راسره ونیسئ. مننه

تبصره وکړه

ستاسو ایمیل ادرس به هیڅ کله نشر نه شي.