افغانستان

حزب اسلامي: نن د دې حزب ۹۰ تنه زندانیان خوشي کېږي

نن ټکی اسیا (پنجشنبه، ۲۱ مرغومي، ۱۳۹۶ل): حزب اسلامي وايي، حکومت نن پنجشنبه د دوی ۹۰ تنه زندانیانو د خوشي کولو هیله ورکړې ده.

د حزب اسلامي یوه ویاند فضل الله ممتاز ویلي، چې دغه ټول زندانیان د څرخي پله له زندانه خوشي کېږي.

هغه له بې بې سې سره خبرو کې وویل، حکومت ورسره وړاندې ژمنه کړې وه، چې دا زندانیان به خوشي کوي، خو د ځينو ستونزو له امله يې خوشي کېدل وځنډول شول.

دغه ګوند چې مشر يې د ګډ حکومت په لومړیو کې د یو تړون له مخې د ټوپک پورته کړې دعوه غلې کړه، دعوه کوي چې ۲۵۵۲ تنه يې زندانیان دي.ashraf ghani hikmatyar

د فضل الله ممتاز په وینا له حکومت سره د دوی په یو ځای کېدو يې تر اوسه د زندانیانو یوه ۷۰ کسیزه ډله خوشي شوې ده.

حزب اسلامي دعوه کوي چې له حکومت او بهرنیانو سره د جګړې پر مهال يې شاوخوا ۱۷۳ تنه د بګرام زندان ته هم وړل شوي دي چې باید خوشي شي.

د حزب ټول زندانیان له بهرنیانو او افغان ځواکونو سره د جګړې پر مهال نیول شوي، چې د دې ګوند مشر انجینر ګلبدین حکمتیار پخپل راتګ سره خپله تېره جګړه اشتباه وبلله او په دې جګړه کې د نیول شويو کسانو د خوشي کولو غږ يې وکړ.

حکمتیار څو ورځې وړاندې هم پلازمېنه کابل کې ګیله وکړه، چې حکومت ورسره د زندانیانو خوشي کولو پرلپسې ژمنې کوي، خو عملي کړې يې نه دي.

حزب نن د زندانیانو د خوشي کېدو په تمه دی، خو حکومتي چارواکو يې په اړه څه نه دي ويلي.

نږدې اوونۍ وړاندې د ملي امنیت پخواني رییس امرالله صالح حکمتیار هم د داعش ملاتړی وباله او دعوه يې وکړه چې د زندانیانو په ډله کې د داعشيانو د خلاصون هڅه کوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x