د اربکي وحشت یوه بوږنوونکي بیلګه

احمد مختار

وړمه ورځ په خواله رسنیو کې د یوه معصوم زلمي او د هغه د وحشي وژونکي یو انځور نشر کړل شو.

دا تصویر د غزني ولایت د قره باغ ولسوالۍ اړوند د میرواعظ کلا اوسیدونکی د دینې علومو زده کوونکي طالب العلم جمشید دی چې له مدرسې څخه کورته په لاره د سیمي د بارک دین نومي اربکي لخوا د قره باغ ولسوالۍ د ولي داد په کلي کې تر نیول کیدو وروسته په نهایت بوږنوونکي ډول شهید کړای شو.

دا بوږنوونکې پیښه چې په رڼا ورځ د سیمه ییزو اربکي ملیشو لخوا د وليداد کلي په عامه لاره کې رامنځته شوه د خپل نوعیت له مخې نه لومړۍ او نه به هم وروستۍ واقعه وي.

په یاده پیښه کې د پام وړټکي دادي چې قاتل یې له وژل شوي جمشید سره د هغه تر وژنې وړاندې انځورونه هم اخیستي چې دا د دې ښکارندوینه کوي چې اربکي قاتلین د خپلو وحشیانه کړونو په وړاندې د هیڅ ډول قانوني مؤاخذې پروا نه لري.

له تصویر څخه له ورایه ښکاري چې جمشید نومې زده کوونکی له دې پرته چې قواره او بڼه یې د دینې علومو د زده کوونکې ده بل هیڅ داسې شواهد او اثبات نسته ورباندې چې د نوموړی د نیول کیدو او بیا په داسې وحشیانه ډول د وژل کیدو لامل وګرځي .

ځکه که له هغه سره کومه وسله یا وژونکې آله وای نو حتما به اربکي ملیشو د جمشید د جُرم د اثبات په خاطر هغه هم په تصویر کې ورسره یوځای ښکاره کړې وای .

د تصویر له اخیستو دا ښکاري چې وژل شوي جمشید یواځې د بارک دین نومې اربکې د وحشت قرباني نه ؛ بلکې د هغه په وژنه کې ورسره د ده نور اربکي ملګري هم شریک دي.

یاده پیښه په هیواد کې د جنرال پترایس په لاس جوړوشوبو اربکي ملیشو مشت نمونه یې خروار ده چې یواځې د قره باغ ولسوالۍ په کچه تقریبا هره میاشت او د غزني ولایت یا په مجموع کې د ټول هیواد په کچه هره ورځ د ځوریدلو افغانانو خلاف تکراریږي.

د بیلګې په توګه تیرکال د لړم د میاشتې په ۵ نیټه د همدې قره باغ ولسوالۍ د ولیداد او ګډولو چمبر کلیو اوسیدونکي د حمیدالله او فدا محمد په نوم د سلطان محمود د لیسې دوه تنه زده کوونکي د قره باغ ولسوالۍ امنیه قومندان پاسوال روح الله په عین وحشت او قساوت سره شهیدان کړل.

همدا راز تر دې ویرجنې پیښې په تعقیب د مرغومې د میاشتې په ۱۰ همدې د قره باغ ولسوالۍ امنیه قومندان اربکي ملیشو د یادې ولسوالې په ارباب کلي کې د کابل پوهنتون د انجنیري پوهنځي یو محصل چې په رخصتي کورته راغلی و په عین وحشت سره وواژه.

د غزني د قره باغ ولسوالۍ د جمشید نومي مظلوم شهید له شهادت سره هم مهاله په خواله رسنیو کې د کندهار ولایت د امنیه قومندان د ساتونکو لخوا د یوه بل مظلوم شهید داسې بوږنوونکی تصویرخپریږي چې سړی یې د لیدو توان نه لري، په رسنیو کې د خپروشویو معلوماتو پراساس د دې بوږنوونکي تصویر څښتن هم د کندهار ښارد دوراهي یوعادي دُکاندار دي چې د کندهار امنیه قومندان د ساتونکو لخوا تر نیول کیدو وروسته یې د هغه سترګې یستلې، غاښونه یې ورمات کړي د مخ پوستوکی يې ترې ویستلی او وروسته یې حلال کړی دی.

دغه ډول وحشت د سلیم الطبع انسانانو کارنه ؛ بلکې د داسې سادیستانو وحشیانه عمل دی چې له هر ډول انسانیت نه تجرید او د نورو انسانانو له وژلو او کړولو خوند اخلي.

همدغه سادیستي لیونیان د اشغال تر سیوري لاندې د حکومت په نوم هغه امنیتي څاروندویان دي چې د ټولنې د خدمتګار په نوم د اشغالګرو لخوا روزل شوي ، تمویل شوي او پر ولس تحمیل شوي دي.. فاعتبروا یا أولي الابصار

تبصره وکړئ

avatar
  ګډون وکړئ  
خبرتیا غوښتل د