ماشوم د ډوډۍ پر دستر خان باندي

ژباړه: محمد نبي (الدين)

پر يوه دسترخوان سره را ټولېدل، کورنۍ اړيکي پياوړي کيږي او د ارزښتونو او نېک سلوک د را ټوکولو فرصت هم دی،

۱ ماشوم ته مسنوني طريقې ور يادي کړه:

زويه! بسم الله ووايه، په راسته لاس خوراک کوه او د خپلي خوا څخه خورلک کوه!
په آخر کي د الله -عز وجل-حمد (اَلْحَمْدُ لِلّٰهِ الَّذِيْ أَطْعَمَنَا وَسَقَانَا وَجَعَلَنَا مُسْلِمِيْنَ) ووايه!

۲ ټولنيز ارزښتونه ور وښايه!

مثلا: مشر ته انتظار کول (پلار، مور، نيکه …).

۳ صابر اوسه، ډېر انتقاد مه کوه، په نرمۍ سره ماشوم متوجه کوه!

داسي مه وايه: په چپه لاس خوراک مه کوه!!!!!

داسي و وايه: مهرباني وکړه په راسته لاس خوراک وکړه (يا نور داسي نرم کلمات).

۴ ځيني کړني يې وزغمه!

لکه پر ځمکه يا د دسترخوان د باندي ډوډۍ رژول.

ځکه دی لا د زده کړي او مهارتونو د ترلاسه کولو په دوره کي دی.

۵ که ماشوم د بيا-بيا متوجه کولو سره-سره، قصدا يو سلبي عمل تکراراوه؛ نو کاسه ورڅخه واخله او د دسترخوان څخه د ولاړېدو ورته و وايه!

۶ پر دې ډېر ترکيز وکړه، چي مثبت سلوکيات ور زده کړې، لکه په راسته لاس خوراک، نظافت مراعتول، بسم الله او د الله شکر ويل.

۷ د دسترخوان پر وخت بايد د نورو توکو استعمال ممنوع وي، لکه: موبايل، تلوېزون او داسي نور.