روغتیا

اوږدمهاله ناسته بدن کې د وینې جام کیدو لامل کیږي

نن ټکی اسیا (یکشنبه، ۲۴ مرغومي، ۱۳۹۶ل): د برطانيې په لیسیستر Leicester پوهنتون کې د یوې وروستۍ څیړنې له مخې ویل شوي چې اوږدمهاله ناسته د بدن په داخلي غړو کې وازدې زیاتوي.

دغې څیړنې چې د برطانیې په ډیل میل ورځپاڼه کې خپره شوې زیاته کړه، چې د بدن په غړو کې د وازدو مخنیوي لپاره د روزانه تمرین او ورزش کولو ته اړتیا ده.

ددغې څیړنې په ترڅ کې په ۱۲۴ کسانو د مقناطیسي ټکنالوژي په ذریعه تجربه وشوه، څیړونکو وموندله چې د ورځې په اوږدو کې له اندازې زیاته ناسته په ښکاره ډول د خیټې بهرنۍ وازده زیاتوي خو په اصل کې په خیټه کې دننه د ځیګر شاوخوا ته وازده او غوړ زیاتوي، چې د وینې د جام کیدو لامل کیږي.

څیړونکو ددې ناروغۍ لامل کار ته اوږدمهاله ناسته او ورزش نه کول ښودلي دي، او زیاته کړې یې ده، هغه کسان چې په اوونۍ کې په مجموعي ډول له ۱۵۰ دقیقو څخه کم ورزش کوي له ورته ناروغۍ سره مخ کیږي، او هغه کسان چې د ورځې په اوږدو کې هیڅ تمریني فعالیت نه لري له ورته او داسې ناروغیو سره مخ کیږي.

سرچینه: الجزیره مباشر

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x