افغانستان

د غزني په ګیلان کې نهه ورځني عملیات پای ته ورسېدل

نن ټکی آسیا: د غزني ولایت په ګیلان ولسوالۍ کې د افغان ځواکونو له لورې پيل شوي عملیات له نهو ورځو وروسته په  ناکامۍ سره  تېر ماښام اوه بجې پای ته رسېدلي.

د طالبانو ویاند رسنیو ته په استولې اعلامیه کې څرګنده کړې،چې د پولیسو،ملي اردو او اربکیانو ګډ علمیات یې په سېمه کې له سخت مقاومت وروسته په شا تمبولي او د درنو مالي او ځاني زیانونو د اوښتلو ادعا کوي.

ذبیح الله مجاهد وايي، کله چې کورني عسکر د ګیلان ولسوالۍ ملاجانان، پردل او لطیف کلیو ته را ورسېدل، نو د دوی له کمینونو سره مخامخ شول اوخورا زیات تلفات یې ورکړل.

د مجاهد په وینا : «په دغو درنو نښتو او جګړو کې  د دښمن ۴۶ تنه عسکر، پولیس او اربکیان قتل شول، ګڼ شمير يې ټپیان او یوتن قومندان ( اسدالله د ننګرهار چپرهار اوسیدونکی) له ۴ ميله وسلو، زغرو او نورو مهماتو سره ونیول شو، ۶  ټانګونه او ۲ رینجرموټريې هم منفجر او ټوټې ټوټې شول.»

ښاغلي مجاهد د حکومتي لورې د ادعا خلاف، چې ګنې دوی هم د لسګونو کسانو تلفات ورکړي، زیاته کړې : «په ټوله جګړه کې ۶ تنه مجاهدین شهیدان شوي او ۷ تنه ټپیان دي، نور الحمدلله مجاهدين هیڅ تلفات نه لري او په دې اړه د دښمن اوتی بوتی له حقيقته لري دي.»

ویل کېږي، چې په دې عملیاتو کې د یادو کلیو سربېره د شاوخوا کلیو لکه بلاهیر او نابرو ګڼ اوسېدونکي د کورونو پرېښودلو ته په زوره اړ شوي، همدارنګه ځينې نورو بیا د جګړو او مرمیو د بادېدو له کبله کورونه پرېښي دي.

د طالبانو ویاند هم دا خبره تاییدوي او زیاتوي، چې :«۲۱ تنه عام ملکي وګړي په خپلو کورونو کې ټپيان شول چې ۵ ښځې ۳ ماشومان ۱۳ نارینه په کې شامل دي، دښمن د ګیلان ولسوالۍ له مختلفو کلیونه تقریبا ۳۰۰ کورنۍ دې ته اړې کړې وې چې خپل کورونه پریږدي  ترڅو اربکیو، عسکرو او پولیسوته د چور زمینه مساعده شي .»

نوموړي ویلي، چې بې ځایه شوي خلک له سېمي څخه د عسکرو او اربکیانو له وتلو سره جوخت بېرته خپلو کورونو ته را ستانه شوي او ډاډ یې ورکړ، چې سېمه اوس په بشپړه توګه د دوی په واک کې ده او خلکو د امنیت په فضا او ډاډ سره عادي ژوند پيل کړی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x