پاکستان د پرديو استخباراتو لپاره د کار په تور مشال راډيو بنده کړې

نن ټکی اسیا (شنبه، ۳۰ مرغومي، ۱۳۹۶ل): پاکستان د امریکايي کانګريس په مالي ملاتړ چلېدونکې مشال راډيو له دې امله بنده کړې، چې د پاکستاني چارواکو په وينا د پرديو استخباراتو لپاره يې د پاکستان د ملي ګټو پر خلاف خپرونې کولې.

د پاکستان د کورنيو چارو وزارت وايي، چې استخباراتي ادارې «ای ایس ای» دوی ته داسې معلومات ورکړي، چې مشال راډيو د قبايلی سيمو په اړه ناسم او د پرديو استخباراتو د ګټو لپاره خپرونې کوي او نړيوالو ته دا ور فهموي، چې قبایل د پاکستان خلاف او د وسله‌والو ډلو ملګري دي.

د پاکستان د کورنيو چارو وزارت چارواکي تېره شپه په اسلام اباد کې د مشال راډيو دفتر ته ورغلي وو او هغوی ته يې امر کړی، چې خپل دفتر وتړي.

د څارونکو په وينا مشال راډيو تر ډېره د افغانستان او قبايلي سيمو په اړه داسې خپرونې کوي، چې د ولسي خلکو له کلتور، عقایدو او دودونو سره خلاف وي او په لوی لاس داسې ښکاره کوي، قبایل باغيان دي او له سوله‌ ييز ژوند سره کرکه لري.

ازادي راډيو، مشال، امریکا غږ او ډيوه راډيو د خپرونو په اړه د سيمې عام ولس هم شکايت کوي، چې ډېری خپرونې يې د ولسي کلتور، ديني ارزښتونو او دودونو خلاف دي.

تر دې وړاندې يو شمېر قبايلي مشرانو او د سياسي ګوندونو غړو هم د مشال راډيو په خپرونو نيوکې کړي او له حکومته يې غوښتي وو، چې دغه راډيو بايد وتړل شي.

خو د ازادي راډيو مشر ټام کينټ ويلي، چې دوی د پاکستان په دې پرېکړه اندېښمن دي او هيله يې څرګنده کړې، چې له پاکستاني چارواکو سره به په دې اړه خبرې وکړي.

ټام کينټ ويلي، چې مشال راډيو د امریکا د کانګريس په مالي ملاتړ خپرونې کوي، خو له هېڅ ادارې او حکومت سره تړاو نه لري.

تبصرې (3)

  • د نر بچیان دی د پاکستان دولت که هر څه ده خو زموږ تر غلامانو ډیر ښه دی.

  • د شیطان او دجال د آزادی راډیو او بی بی سی راډیو وامثالهم و امریکایې او غربی استخباراتو ته په وفاداری کښې دونی وړاندی تللی چی د غلامی ټولی پولی یې ماتی کړی. د امریکایې ګټو دتحقق لپاره د جنون تر حده وړاندی تللی چی یا باید دا منطقه او خلک یې لکه ددوی په شان د امریکایانو غلامان شی او یا هم باید دا منطقه او خلک یې په مکمله توګه تباه او له مینځه یووړل شی. د امریکایې ګټو د تحقق لپاره د خپل معبود دجال او شیطان په مرسته او ددې منطقی د خلکو له جهل او ناپوهی نه په استفاده زهر خپروی زهر! دا اوس اوس د بی بی سی فارسی څانګی یو رپوټ د روسیی په منځګړیتوب د افغان ګوډاګی دولت او طالبانو ترمینځ د مذکراتو په اړه خپور کړی ته وګوره چی په ډیر ماهرانه شکل یې څه زهر په کښې شیندلی او څه شیطانی خباثت نه ده چی د امریکایې شیطانی ګټو د تحقق لپاره یې نده ښکاره کړی. خو مونږ آزادی راډیو، بی بی سی و امثالهم په شان د شیطان او د جال بندګانو ته وایو چی که تاسی د الله د واقعی بندګانو په وړاندی له هر څونی کید او خباثت نه کار واخلی نو هیڅ ګټه به درته ونه کړی او یوازی به مو هم ددې دنیا او هم د آخرت په ذلت او تباهی تمام شی. محترمو مسلمانانو وروڼو څه شی چی ما په پورته تبصره کښې بیان کړی دا ددې راډیو کانو په اړه واقعیت او حقیقت دی نه د پاکستان دجالی غلام حکومت ملاتړ ځکه هغه متل ده وایې خړ سپی د لیوه ورور ده. دپاکستان غلام او مجرم حکومت د ا هرڅه پخپل ځان پخپله کړی چی اوس خپله پدی دام کښې نښتی ده. والسلام علی من اتبع الهدی و اتبع صراط الله المستقیم و اعرض عن صراط الشیطان و الدجال و اتباعهم.

  • سلام علیکم.
    چه څوک راته ونه خښمېږی چه زه ولی په هره موضوع کی نظر وړاندی کوم.
    یوه وړوکې پوښتنه او یوه لنډه یادونه:
    زما لږ او ډېره پښتو ژبه زده ده خو د ( مشال) په معنی نه پوهېږم او پدې هم نه یم خبر چه دا راډیو یوازی د پاکستان په پښتنی سیمو کی خپرېږی او که په ټول پاکستان کی ؟
    که یو ورور پدې هکله یوه وړوکې توضیح راکړی خوښ به شم او په ضمن کی غواړم پوه شم چه نوموړې راډیو کوم وخت پیل شویده.
    امّا یوه لنډه څرګندونه:
    څلوېښت کاله، استعمار زموږ او د سیمی ډېر وګړی د ډول ډول وژونکی اعتیاد سره مخامخ کړیدی یو لدغو اعتیادونو څخه زموږ د غوږونو اعتیاد دی د غربی رسنیو د څپو سره.زموږ غوږونه نن سبا د سخت اعتیاد له کبله، د مور او پلار او اولاد او ماندینې او مېړه خبرو ته دومره ارزښت نه ورکوی لکه د همدې غربی شیطانی رسنیو خبرو ته.ددې اعتیاد لوی علت د شوروی د سره استعمار تجاوزکارانه حضور ؤ زموږ په هیواد کی.
    زموږ د ټولنی ډېرو وګړو د شوروی د لس کلن حضور په موده کی خپل غوږونه او روحیات او حتی عقاید، د بی بی سی شیطانی ګوزو ته سپارلی وه، هغه سپارنه چه نن ورځ په اعتیاد واوښته ، په زړه پوری دا وه چه تر موږ د شوروی مزدورانو دې بی بی سی ته شخه او بُکه نیولې وه او هغه ئې اورېده.
    دردوونکې لا داوه چه خپله د شوروی مزدورانو یعنی خلقیانو بی بی سی اورېده خو نورو عادی وګړو ته د بی بی سی اورېدل یو نه بخښونکی جرم ؤ چه حتماً به ددوی په تورو دفترونو کی د بی بی سی د شهیدانو لیست هم شتون درلود.تر ټولو دردوونکې لا داوه چه وروسته د بی بی سی د نجس مکروفون شاته د ویونکو په توګه د همدې خلقیانو او پرچمیانو پلید شونډان وښورېدل.
    خبره رانه اوږده شوه. وروره! اصلاً څه پېښیږی چه دا پردۍ راډیو ګانی نور نه واورو.
    باور وکی نن د فارمونو او حتی په یخچالونو کی پراته چرګان خبری کوی، که وغواړو د ورځی له حالاتو ځان خبر کړو نوری خبری سرچینی شته په ضمن کی د نن په خبرو کی چندان خیر هم ندی پاتی، فقط همدا وینی دی او اوښکی دی خوَلې دی او آه او فریاد.