ورزش

۱۹ کلنو جام: افغانستان نولس کلنه لوبډله نیمه پایلوبې ته ورسیده

نن ټکی اسیا (پنجشنبه، ۰۵ سلواغې، ۱۳۹۶ل): د ۱۹ کلنو لوبډلو ۲۰۱۸ نړیوال جام په دریېمه کواټر فاینل سیالۍ کې افغانستان ۱۹ کلنې د نیوزېلنډ ۱۹ کلنې لوبډلې ته په ۲۰۲ منډو ستره ماتې ورکړه او نیمه پایلوبې ته ورسیدله.

د لوبې په پېل کې پچه افغانستان وګټله او لومړۍ یې د توپوهنې پریکړه وکړه چې ښه ثابته شوه.

افغانستان د ۶ لوبغاړو په سوځېدو سره ۳۰۹ منډې جوړي کړې او لوبغاړو یې له پېله ښه لوبه ترسره کړه، رحمان الله ګوربز د ۳ شپږیزو او ۷ څلوریزو په مرسته ۶۹، ابراهیم ځدراڼ ۶۸، بهیر شاه ۶۷ (ناسوځېدلی) او عظمت الله عمرزي په پای کې چټکه توپوهنه ترسره کړه او یوازې په ۲۳ توپونو یې د ۷ اسمان څکو شپږیزو او ۳ څلوریزو په مټ ۶۶ چټکې منډې جوړې کړې او نیوزېلنډ لپاره یې ستر هدف وټاکه.

د افغانستان لومړی وېکټ په ۱۱۷ وغورځېده، دوهم پر ۱۲۴، دریم پر ۱۷۱، څلورم پر ۱۸۲، پنځم پر ۲۲۶ او شپږم پر ۳۰۵ باندې وغورځېده.

د افغانستان غوره توپ اچونې د نیوزېلنډ لوبډله پرینښوده چې د افغانستان له لورې ټاکل شوی هدف ته ځان ورسوي، ددوی ټول لوبغاړي په ۲۸.۱ اورونو کې پر ۱۰۷ منډو وسوځېدل.

د افغانستان په توپ اچوونکو کې مجیب ځدراڼ او قیس احمد ۴-۴ او نوین الحق یو لوبغاړی وسوځاوه.

د افغانستان لخوا عظمت الله عمرزي په چټکه او مهمه توپوهنه د غوره لوبغاړي جایزه ترلاسه کړه.

د یادوې وړ ده چې د ۱۹ کلنو په نړیوال جام کې نیوزېلنډ لوبډلې خپل سیالانو ته سترې ماتې ورکړې وې خو د افغانستان لوبډلې تاریخي ماتې ورکړه او د نړیوال جام کوربه لوبډله یې له سیالۍ بهر کړه.

افغانستان به نیمه پایلوبه د استرالیا په وړاندې د راروانې دوشنبې په ورځ د جنوري په ۲۹مه نېټه ترسره کړي، چې له بل اړخه به سبا د جمعې په ورځ د بنګلدیش او هند لوبډلو ترمنځ کوارټر فاینل سیالۍ کیږي چې په ګټنه به یې هره لوبډله په نیمه پایلوبه کې له پاکستان سره مخ کیږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x