fbpx

رانه هېر نه دي راته یاد دي

دکتور کفایت الله وردګ

حضرت عبد الله بن عباس رضی الله عنه په مدینه منوره کې د رسول الله صلی الله علیه وسلم په جومات کې کې په اعتکاف کې وو یو کس راغلو سلام یې واچولو او کېناستو.

حضرت عبد الله ابن عباس رضی الله عنه یې چې مخ ته وکتل د هغه په مخ کې د خفګان نښې وې.

ورته یې وویل : ولې خفه یې؟

هغه کس ورته وویل: قرضونه را باندې دي نه یې شم خلاصولی .

د چا قرضونه دي: د فلاني .

حضرت ابن عباس رضی الله عنهما ورته وویل : زه ستا لپاره دهغه کس سره خبره وکوم؟ (هغه به زما په مخ تاته قرض یا معاف کړي او یا به درته صبر وکوي مهلت به درکړي) .

هغه کس وویل : که تاسې دا کار وکوئ نو ښه به شي .

حضرت ابن عباس رضی الله تعالی عنه فوراً پاڅېدو پایزار یې په پښو کړو او لدې کس سره روان شو .

دې کس ورته په حیرانتیا کې وکتل چې حضرت ابن عباس رضی الله تعالی عنه خو په اعتکاف کې دی دا لما سره څنګه ځي؟ نو یې ورته وویل : یا ابن عباس رضی الله عنه ته خو په اعتکاف کې یې لتا نه هېر شول ؟

ده رضی الله عنه ورته وویل : رانه هېر نه دي راته یاد دي لکن ما ددې قبر د خاوند (رسول الله صلی الله علیه وسلم) څخه آورېدلي دي چې هغه مبارک صلی الله علیه وسلم فرمایل :

لأَنْ أَمْشِيَ مَعَ أَخٍ لِي فِي حَاجَةٍ أَحَبُّ إِلَيَّ مِنْ أَنْ أَعْتَكِفَ شَهْرًا فِي مَسْجِدِي هَذَا .

ترجمه : دا چې زه د کوم ورور سره د هغه د ضرورت لپاره لاړ شم دا ماته لدې نه غوره ده چې زه پدې جومات کې یوه میاشت اعتکاف وکوم .

الطبراني

البیهقی

صحیح الترغیب و الترهیب

avatar
  ګډون وکړئ  
خبرتیا غوښتل د