شعـــــرونه

زما ګران اولس ډير امیدونه لری

زما ګران اولس ډير امیدونه لری           ډیردخوښیو ارمانونه لری

ډیریی زړګي وخپلواکۍ ته لیوال     ډیرپه زړګی کښی دافکرونه لری

څوخپل عوض دتباهی وویني             څودې ستړیاوته هڅتی ووینی

څودطوفان دقهرجن کوګله              نرم زړګی ته ارامی ووینی

زماګران اولس دنیکمرغی په امید                  دښکلی ښکلی ازادی په امید

څه دغیرت څه دخپلوی په امید                       ددې هیواد تعالي په امید

له خدایه غواړی هغه زړونه غواړی                 په دغه مېنه کښی میړونه غواړی

څوسمه لاریی وی په ژوند ملګرې              هغه اشخاص هغه سرونه غواړی

زما ګران اولس دارامی تږدی            ښکلي ټاټوبی یی دښادی تږدی

څوچی پرښونډویی مسکاخپره سی            څه دژوندون څه ددوستی تږدی دی

ډیری ناخوالی یی په ژوند لیدلی                    ډیرکړاونه یی وه تل ګاللی

تل چې توپونه پرکاله مېلمه وه           ډیری جګړې یی سراسرزغملي

نور دجنګونوخاطرې نه غواړي       نورپه اخلاص هغه کیسی نه غواړي

نور ورور وژنی ته رخصت ورکوی                     نوردپردیو مشورې نه غواړی

نورګران اولس دکار سرونه غواړي                         دعالمانومجلسونه غواړي

چی تل ترتله یی ویاړني نصیب               ددې ښاغلو نظرونه غواړي

څوپرمختګ یی دایمی سی نصیب                    ددې وګړو په ښادی نصیب

نوردهیواد دابادی لپاره             یویی اخلاص بل یی دوستی سی نصیب

—–

زمری څرګند

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x