افغانستان

اسفنديار ولي خان: د ټرمپ ستراتېژي د ډېورنډ کرښې دواړو غاړو ولسونو ته په زیان ده

نن ټکی اسیا (سه شنبه، ۱۰ سلواغې، ۱۳۹۶ل): په پاکستان کې د عوامي نېشنل ګوند مشر اسفندریا ولي خان وايي، د ټرمپ جنګي ستراتېژي د ډېورنډ غاړي د دواړو لوریو ولسونو پر زیان ده.

نوموړي چې خپلو پلویانو ته خبرې کولې وویل، د امریکا نوې ستراتېژي د پښتنو لپاره بشپړه تاواني ده.

هغه وايي د ټرمپ د نوې ستراتېژۍ د اعلان له پیله تر اوسه ښکاره شوې، چې لوی تاوان يې د ډېورنډ دواړو لوریو ولسونو ته رسېدلی دی.

اسنفديار ولي خان پخپلو خبرو کې د پاکستان او افغانستان پر اړیکو هم تبصره وکړه او ويې ويل چې دا دواړه هېوادونه دې د خبرو له لارې خپلې ستونزې حل کړي.

هغه د کابل د شنبې بريد په اړه هم خواشيني وښوده او ويې ویل چې د ولسي وګړو وژنه باید وغندل شي.

دغه پاکستانی سیاستوال په داسې حال کې د ټرمپ پر ستراتېژۍ تازه نیوکه کوي، چې امريکايي ولسمشر ډونالډ ټرمپ تازه پخپل ټویټ کې ویلي، له طالبانو سره خبرې نه کوي.

وړمه ورځ واشنګټن پوسټ د کابل د یوې اوونۍ بريدونو په تړاو په تبصره کې پر امریکايي سیاستوالو غږ وکړ، چې دا ستراتېژۍ بريا ته نه شي رسېدلی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x