افغانستان

هرات: د ښځينه پولیسو پر موټر د لاسي بمونو برید شوی

نن ټکی آسیا: له هرات ولایت څخه تر لاسه شوی خبر کاږي، چې نن سهار په مرکز کې د ښځينه پولیسو پر لېږدونکي رینجر موټر د لاسي بمونو برید وشو.

د هرات د امنیه قومندانۍ ویاند عبدالروف احمدي وايي، چې د ښځینه پولیسو لېږدونکی موټر نن د ښار د نهمې حوزې اړوند د باباجي په سېمه کې د لاسي بمونو تر برید لاندې راغی.

نوموړي زیاته کړه ، چې په دې برید کې یوه پولیس پر لاس لګېدلې او ټپې شوې ده.

خو عیني شاهدانو وویل، چې له برید سمدستې وروسته سېمه د نورو پولیسو له لورې د ترافیکو او خلکو پر مخ وتړله شوه او د ټپيانو د لېږدولو لپاره سېمي ته امبولانسونه را ورسېدل.

همداراز طالبانو په خپله ویب پاڼه کې خبر ورکړی، چې نن سهار یې په هرات کې د پولیسو پر رینجر موټر د لاسي بمونو برید کړی؛خو د مرګ ژوبلې کره شمېر یې نه دی ورکړی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x