شعـــــرونه

ستاسو عادت دى – الهام

ستاسوعادت  دى خوزموږ مو راته زړونه مات كړل
چي په بولدك كي مو غوټۍ غوټۍ ګلونه مات كړل

مه غره كيږه غماز ګيه  سپك  خصلت  دي  مل  دى
څه فرهاد نه  يې چي په  مينه كي  دي غرونه مات كړل

بس  لكه خړسېلاب چي راغلې زموږ دچم په لوري
هم دي كورنه مات كړل هم دي جوماتونه ماته كړل

چي دا آسمان  څنګه  را پرې نه ووت غليمه هلته
چي په وحشت مو دقرآن پاك آياتونه مات كړل   

ولې  دسر سترګې  مو   ووزه   آخرت   نه  لرئ
چي څو ډالروته مو روغ روغ  ايمانونه مات كړل

جنګ مو دځمكي پرسر نه دى چي مو روغه وشي
تادپتمنو ښاايستونه  حجابونه  مات كړل

شكر بې شميره پياوړي سنګرو كي اوسي
يو څو بزدلو آزار يانو ضميرونه  مات كړل

شهيده ! يو ستا انتقام نه دى چي اخلو يې ترې
دوى موحريم مات كړى دوى مو صندقونه مات كړل

موږ به  دي  باسوله ريښو سره  دخداى  په  فضل
خير دى كه  تاسو دوطن  دنګ  چنارونه  مات كړل

رب   دي   حساب  كه  دخيبر دقربانيانو صف كي   
بيادي الهامه ! دمظلوم  د زړه  دردونه  مات كړل
2014/05/21

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x