نړۍ

شمالي وزيرستان: پنځو پاکستاني پوځيانو ته مرګ ژوبله اوښتې

نن ټکی اسیا (چهار شنبه، ۱۷ سلواغې، ۱۳۹۶ل): د شمالي وزيرستان په عيدک سيمه کې په يوه وسله وال بريد کې پنځو پاکستاني پوځيانو ته مرګ ژوبله اوښتې ده.

ځايي امنيتي سرچينو ډيوه راډيو ته ويلي، پېښه نن د چهارشنبې په ورځ د عيدک په سيمه کې رامنځته شوې ده.

د سرچينې په وينا، په بريد کې دوه پوځيان وژل شوي او درې تنه نور ټپيان دي.

سرچينې زياته کړې، ټپي عسکر د تداوۍ په موخه روغتون ته لېږدول شوي خو روغتيايي حالت يې نازک دی.

امنيتي مسئولين وايي، د پېښې ځای ته نور ځواکونه رسېدلي او د پلټنې عمليات يې پيل کړي دي.

تر اوسه پورې د دغې چاودنې مسئوليت کومې ډلې په غاړه نه دی اخيستی.

شاوخوا يوه مياشت مخکې هم په شمالي وزيرستان کې په يوه بمي چاودنه کې د پاکستان د مليشې ځواک درې سرتيري وژل شوي و.

وخت ناوخت د پاکستان په قبايلي سيمو د ځينو چاودنو او وسله والو بريدونو مسئوليت د پاکستان تحريک طالبان ډله په غاړه اخلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x