د میکسیول په زړه پورې سلیزې انګلستان مات کړ

نن ټکی اسیا (چهارشنبه، ۱۸ سلواغې، ۱۳۹۶ل): د استرالیا او انګلستان ترمنځ په شل اوریزو سیالۍ کې د میکسیول په زړه پورې سلیزې استرالیا انګلستان ته د ۵ ویکټو په توپیر ماتې ورکړه.

لومړۍ لوبه انګلستان ترسره کړه او د ډیویډ ملان پنځوسیزې په مرسته یې استرالیا ته په شل اورونو کې د ۱۵۶ منډو هدف وټاکه.

په ځواب کې د استرالیا لوبډله په پېل کې له ستونزو سره مخ شوه، خو میکسیول په یوازې ځان ۱۰۳ منډې جوړې کړې او لوبډلې ته یې بریا ورکړه، د نوموړي په زړه پورې سلیزه کې ۴ شپږیزې او ۱۰ څلوریزې شاملې وې.

همدا ډول یې د ۱۰ منډو په بدل ۳ لوبغاړي وسوځول او د لوبې غوره لوبغاړی ونومول شو.

له شورټ او میکسیول پرته د استرالیا هیڅ لوبغاړي تر لسو زیاتې منډې جوړې نه کړې خو بیا هم بریا ددوی په برخه شوه.

استرالیا ټاکلی هدف د ۵ لوبغاړو په سوځېدلو په ۱۸.۳ اورونو کې ترسره کړ.

د استرالیا، انګلستان او نیوزېلنډ ترمنځ درې ملکي شل اوریزو لړۍ روانه ده چې په لومړۍ شل اوریزو لوبه کې هم استرالیا نیوزېلنډ ته ماتې ورکړې وه.

avatar
  ګډون وکړئ  
خبرتیا غوښتل د