د امریکایانو لینګي په لړزیدو دي

خالد افغان زوی

امریکایي رسنیز مبلغین هڅه کوي په افغانستان کې د امریکایانو پوځي ماموریت بریالی وښيي اما که په حقیقت سترګې پټې نه کړو او د وضعیت بل اړخ ته وروګورو ډير داسې کره شواهد به وونیو چې ترې معلومیږي په افغانستان کې د امریکا د ستراتيژۍ پایې لړزانده دي او ډیر ژر یا وروسته به له دې هیواده دتيښتې لار ونیسي.

د دې مدعا شواهد او دلائل په دې ډول شمیرلی شو.

اول

په جګړه کې ښکیل کوم لوری چې کله په دریځ نیولو کې دوه ډزی شي، نو پوه شه چې ورخ یې ترې وړی دی. په داسې ډول چې نن د جنګ خبرې کوي او سبا د سولې خواستونه، له دې څخه معلومیږي چې د جګړې دغه اړخ وارخطا او پښې په لړزېدو دي. د امریکا ولسمشر مشر ټرامپ څو ورځې وړاندې وویل چې له طالبانو سره مذاکرات نه کوو او تر پایه جنګیږو. خو دادی تازه په تازه د همدې ټرمپ د بهرنیو چارو مرستیال وزیر جان سولیون په طالبانو غږ کړی چې د سولې مذاکراتو ته غاړه کیږدي او په دې برخه کې یې له پاکستانه هم مرستې غوښتې.

د افغانستان د چارو کارپوه وحیده مژده وایي چې د شوروي یرغل په وروستیوکلونو کې شورویان کټ مټ په همداسې حالت کې مبتلا و لکه ننني امریکایي چارواکي. هغوی به هم کله جګړه تونده کړه، کله به یې د سولې او تفاهم تبلیغ ته زور ورکړ او تر دې حده ګنګس وو چې نه پوهیدل بالاخره کومه ستراتيژي تر پایه تطبیق کړي. دغسې حالت د کاواکۍ او وارخطایي نښې بلل کیږي چې اوسنی مثال یې امریکایي حکومت دی.

دوهم

کوم جګړه مار اړخ چې په پټه خوله جګړه کوي او د خولې لاپې، تبلیغاتي نمایشونه او د خپل زور ښودلو اکټونه نه کوي نو پوه شه چې کار یې سم په مخ روان دی او هدف ته لنډیږي. اما کله چې څوک په عملي اړخ کې کمزوری وي او تشه احساسوي نو بیا د ظاهري نمایش، لاپو او ګواښونو لوبه پیلوي تر څو ورباندې عملي ناتواني جبیره کړه.

که ستاسو یاد وي څو کاله وړاندې هیڅ امریکایي مشر د خپل پوځي او اتومي قوت لاپې نه وهلې او نه یې پوځي نمایشونه کول.ځکه د امریکا قدرت هر چا منلی و او دغسې ځان ښودلو ته اصلا اړتیانه وه، مګر اوس چې د امریکا قوت په جګړو کې له منځه لاړ او حیثیت یې دباد بڼکه شو، ټرمپ هڅه کوي د توندو خبرو، لاپو او نمایشونو په توسط ځان پړسیدلی وښيي. ټرمپ تیره ورځ فرمان صادر کړی چې وروسته له ډیرو کلونو د امریکایي پوځ د رسمي ګذشت مراسم اجراء کړي.دغه راز د افغانستان په سطحه خپلې اجیري رسنۍ یې دا څو ورځې روزانه د امریکایي جنګي الوتکو د بمبار او تخنیک په اړه راپورونه نشروي تر څو ورباندې خلک وویروي. دغه نمایشي اقدامات ښيي چې د امریکا باد وتلی اوس غواړي په ګواښونو او نمایشاتو خپله عملي ناتواني جبیره کړي.

دریم

که تاسو غواړۍ د کوم نظام د بریا او ناکامۍ حالت ځان ته معلوم کړئ، نو د هغه نظام د رسمي چارواکو له خبرو یې مه معلوموئ، ځکه رسمي چارواکي خو په دې مکلف دي چې په ناکامۍ کې هم د بریا نغارې وډنګوي او وضعیت عادي وښيي. د یوه نظام یا ستراتيژۍ د اصلي حالت معلومولو لپاره باید د بې طرفه اشخاصو یا ټیټ رتبه کسانو نظر او ارزونه معیار وبلل شي.

دا چې په افغانستان کې د امریکایي مأموریت په اړه د امریکا عام مبصرین څه وایي څو بیلګې یې درسره شریکو.

د امریکا پخوانی د دفاع وزیر چک هګل چې تازه یې له ډیفنس نیوز سره مرکه کړې، ویلي يي دي چې امریکا د افغانستان د جنګ په سرته رسولو کې ناتوانه او په دې هیواد کې د امریکایي ماموریت حالت تر بل هر وخت وخیم او د اندیښنې وړ دی. هغه ویلي د بې حسابه پیسو له مصرف سره سره امریکا د طالبانو په وړاندې له تاریخي بایلات سره مخامخ ده.

آبله ورځ چې د امریکا دفاع وزیر ماټیس د سنا جرګې ته خبرې کولې، د سنا جرګې د وسله والو خدماتو په کمېټې کې د جمهوریپال ګوند غړي والټر جونز دفاع وزیر ته وویل چې افغانستان د امپراتوریو هدیره دی او دا خبره د تأمل وړ ده.

جونز وویل چې د سمندري ځواکونو د قول اردو قوماندان جنرال چوک کولارک ورته په یوه ایمیل کې لیکلي(ډېرو هڅې کړي خو هیڅوک د افغانستان پر لاندې کولو بریالی شوی نه دی. موږ به هم د هغو ملتونو په لیست کې راشو چې په دې کار کې پاتې راغلي دي)

دا میده ټکا ددې علائم دي چې امریکا د افغانستان په جګړه کې حواس بایللي او ارادې یې لړزیدلي دي. که طالبان یو څه لا نور مقاومت وکړي، نو لکه افغان اولس چې  د شوروي  په ماتولو د شلمې پیړۍ معجزه د تاریخ سرمشق کړه دا ځل به د امریکا په ترټلو سره د یوویشتم قرن حماسه هم د ځان په نوم کړي. هو، که خدای کول . . .

avatar
3 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
Sidiqullah
میلمه
Sidiqullah

د امریکیایی بلواگرو ،او د وخت د فرعونی لشکر د ماتیدو او شرمیدو په تمه.

عبدالولی (فهیم)۰
میلمه

انشاالله انشاالله همداسی ده دا یرغلګربه له خپل ګوډاګی ملګروسره یوځای تباه او برباد شی یا الله ته هغه ورځ زر تر زره راولی.

منيب
میلمه
منيب

زه فکر نه کوم چي امريکادي داسې نيت ولري امريکا دوه مخي لوبه کوي په دي ټول پوهیږی چی د هغه د سولي خبري بي ځايه وي او دي دوي غواړي هم‌دا‌وښيي چي دوي خو د سولي لار نيولي خو طالبان یی مني او هم د جنګ ډګر تود ساتی. امريکا د خپلي خولي په وينا يي ۵۰ کاله غواړي پاتی شي داچي دزړه خبر به يي ددي نه څومره ډيره وي الله خبر دي. دجګړې ګټل دامريکا لپاره بل مفهوم لري امريکا دلته د جنګ اوږدول غواړي نو بيا ګټل څنګه وغواړي؟ زه باور لرم چي امريکا نه غواړي… نور لوستل »