حکمتیار ایران ته ولې دومره سور و شین کیږي؟

لیکنه: رحمت الله نړيوال

تېره ورځ به مو د ښاغلي حکمتيار نوې مرکه اورېدلی وي؛ مرکه کې خبریال له حکمتیار نه د پاکستان په تړاو پوښتنه کوي چې أیا هلته د طالبانو پټن ځایونه شته که نه؟ حکمتیار پر ځای ددې چې د پاکستان په هکله وږغیږي، لومړی ایران غندي او وایي چې په دې وروستیو کې چې ایران څومره مرسته له مخالفینو سره کړې او کوي یې، فکر نه کوم چې بل څوک دې دومره ورسره همغږي وي.

بیا خبریال له ښاغلي نه د داعش په تړاو پوښتنه کوي، چې د داعش تر شا د چا لاس دی؟

حکمتیار په ځواب کې وایي: چې داعش د ایران پروژه ده، ایران یې تمویلوي (دا پر دې سربېره چې نړۍ پر دې متفقه ده چې داعش د امریکې پروژه ده، عراق او افغانستان کې یې په وار وار اسلحه ورکړې، مالي مرستې یې ورسره کړې، او په دې وروستیو کې داسي خبرونه هم تر لاسه شوي چې امريکایې الوتکو کې د داعش غړي د افغانستان شمال ته انتقال شوي) خو ښاغلی وایي چې دا بلکل دروغ ده چې داعش د امریکا پروژه ده او زیاتوي چې داعش ته عراق و سوریه کې هم ایران وده ورکړې، دلته افغانستان کې هم دوی وده ورکوي.

په اردو کې یو متل دی وایي (دال میں کچھ کالا ہے) یعنې یو څه کار در کې شته، د حکمتیار صیب دا وروستۍ خبرې هم له څه نه دي خالي، که ستاسو فکر وي؛ حکمتیار صیب له وړاندي د ایران دومره مخالفت نه کاوی، حکمتیار چې کله د ترکیې او سعودي ته سفر وکړ، له هغه سفره وروسته ښاغلي حکمتیار خوست کې په نومړۍ وينا کې ایران وغندی او تور یې پوري کړی چې ایران افغانستان کې د مخالفینو مرسته کوي.

آخر ولې د حکمتیار صیب دریځ کې دومره ژر او دومره ژور بدلون راغلی؟

ښکاره خبره ده چې حکمتیار صیب ته اوس له نورو خواوو ور ټپه شوه ؛ بلې خوا ته یې لاس رسی نه کیږي، دی اوس غواړي چې په دې خبرو له سعودي نه کرېډیټ تر لاسه کړي، او دا هم څرګند حقیقت دی چې د ایران و سعودي جنګ یمن، سوریه کې روان دی، اوس سعودي غواړي چې دا جنګ زموږ تر ټاټوبي هم را اوږد کړي، حکمتیار اوس لګیا دی چې ـ خدای مه کړه ـ دې جګړې ته لاره هواره کړي، تر څو دی سعودي او بیا د هغوی بادار امریکا ته ځان خوښ او نظرونه یې ځان ته را جلب کړي.

حکمتیار کابل ته د سولې په پلمه راغلی دی، ده لره په کار وه چې په سوله کې یې رول لوبولی وی، دا کړېدلی او ځورول شوی ولس یې له دې کړاوونو و ناورينونو را ايستلی وی، خو نوموړی کوښښ کوي چې د جګړې لوبغاړي نور زیات کړي، جګړې ته نور ابعاد را منځ ته کړي، چې جګړه سړه نه بلکې توده شي.

و إلی الله المشتکی

4 تبصرې

  1. سلام علیکم.
    ښاغلی حکمتیار باید پدې پوه وی چه:
    په قرآن کی نهه څلوېښت ځله د تعقل او د هغه د مشتقاتو ذکر شویدی.دا ددې معنی لری چه عقل او تعقل یو ډېر ستر نعمت دی، اصلاً عقل د ایمان مکّمل یا تکمیل کېدونکی دی.
    عقل حتی تر علم هم ستر مقام لری.عقلی ایمان تر موروثی ایمان ډېر فضیلت لری، همدا علت دی چه د یو غیر مسلمان تشرف په اسلام، د یو نابالغ او معصوم مسلمان په صفت موصوف کېدای شی.
    سماوی کتابونه او انبیاء خصوصاً قرآن، د پېغمبرانو معجزات د بشر مخته نه ایږدی بلکه مستقیماً انسان ته د خلقت او هستی د مختلفو صحنو او تکوین په هکله د تعقل بلنه ورکوی. د وړوکی مېږی د خلقت نه نېولی تر لاینتهائی کائناتو تر مشاهدې پوری او د هغه د څرنګوالی په هکله( تعقل) یوه ستره بلنه ده.
    د پورته لنډ بحث نتیجه:
    هر څوک چه د خپل او بل د عقل په وړاندی ګوستأخی او بې ادبی کوی هغه یو ګمراه دی که څه هم شیطان غوندی ئې زرونه کلونه عبادت او علم کړی وی.
    حکمتیار هم پر خپل عقل خاندی او هم د بل پر عقل چه دا به دده او ده غوندی احمقانو لپاره یو جبران نه منونکی خُسران وی.
    په ټینګار سره غواړم ووایم چه دلته د ایران او غیر ایران د دفاع او نه دفاع مسئله نده مطرح بلکه دلته دا مسئله مطرح ده چه د ښاغلی محترم رحمت اللّه نړیوال خبره د حکمتیار د مزدورانه او نوکرانه دریځ مسئله مطرح ده.
    څنګه امکان لری چه حکمتیار یوه ورځ ځان د دداعش خواخوږی بولی او بله ورځ داعش د خپل دښمن زېږنده بولی.
    حکمتیار د جاه او جلال او جبروت مین دی، غواړی په هره بیه چه وی دا خپل کاذب جبروت حفظ کړی.
    ښاغلی حکمتیاره!!!!!!
    ماته د ډېری خواشینی او ضمناً ډیر حیرت ځای دی چه یوه ورځ پښتون خلقئ او پښتون پرچمئ او پښتون افغان ملتئ ستا ستر دښمن ؤ خو نن دی همهغه خلقی او پرچمی او افغان ملتئ پر تندی مچوی، آیا هغوی د تراویح پر لمانځه مین شویدی او که ته پر پښتون توب مین سوی ئې؟ او که څلور واړه د استعمار په جال کی راتاؤ شوی یاستی؟؟
    داسی ښکاری چه ټوله دی ټر دی!!!!!!

  2. د ګلبدین په اړه ډیر څه لیکل شوی او ډیر به لا ولیکل شی بسنه کوی ، د ځان په اړه به هم ګلبدین خبله کله څه ولیکی ، د هغه دماغی توازن د سیاف ، ربانی او نورو په شان د امریکا ډالرو بی ثباته کړی. دار المجانین ته باید یووړل شی .
    زه دومره لیکم چه ګلبدین د سیاف ، ربانی او نورو په شان له هماغه ورځ غلام شوی جه د امریکایانو سره یی د نورو په شان جلا جلا د سوړجنګ دغلامی تړون لاسلیک کړو . له هغه وروسته جهاد نه وو د روسانو او امریکایانو تر منځ نیابتی جګړه وه یعنی یو اړخ افغانان د روسانو او بل اړخ د امریکایانو د پاره جنګیدل. تر دی چه روسان مات شول د ارام وتلو د پاره یی امریکایانو ته بناه یووړه ، امریکا یی پناه په یوه شرط ومنله چه کمونستان به ورته کرایه، اجاره یا قباله کو ی هغوی ومنله امریکایانو د شمال کمونستان د شمال اخوانیانو او د جنوب کمونستان د جنوب اخوانیانو سره د شمال او جنوب یا بشتون او غیر پشتون مافیاوی باندونه جوړ او د جهاد ، مجاهدینو او د الهی نظام د بدنامولو د پاره یی هیواد کی خپل منځی جنګونه رامنځته کړل . مکر طالبانو یی هغه پروژه ور ګډه وده کړه یعنی شمال او جنوب څه چه ۹۵ سلنه هیواد یی یوه خوله او یو موټی کړو ، الهی نظام یی نافذ ، سراسری سوله او امنیت یی ټینګ کړو ، همدغه د شمال او جنوب مافیاوی باندونه یی پنجشیر کی د راتلونکو حساب ورکولو د باره محاصره کړی وو امریکایانو هغه حالت هضم نه کړی شو د سبټمبر د یوولسمی فاجعی په رامنځته کولو او بهانه نیولو یی زمونږ هیواد اشغال او هماغه مافیاوی باندونه د برچی به زور یو ځل بیا چارواکی کړل .
    خپلی خبری لنډوم ، د کابل اداره کی لمړی درجه سکولریستانو ،دوهمه درجه کمونستانو او دریمه درجه اخوانیانو سهم درلود ګلبدین یو ګروپ یی اداره کی سهیم او بل ګروپ غرو او دشتو ته د طالبانو دمحوه کولو د پاره ولیږو چه په شکاره به د امریکایانو ضد جهادی شعارونه زمزمه کوی ، ګلبدین ته یی باګرام امریکایی هده کی ځآی ورکړو ځکه هغه یی په تور لست او لس میلونه ډالر یی ورباندی د عوام فریبی د پاره انعام ایښی وو چه خپله حزبیان یی مړ نه کړی ، د ګلبدین رشتونی مجاهدین چه د ګلبدین په څو مخی او غلامی پوه شول د اامارت سره یوځای امریکا ګلبدین ته اربکی ملیشی واک کی ورکړی او له هغه وروسته یی قطب الدین ته په ټاکنو کی چانس ورکړو هغه هم ونه شو اوس یی د داعشی ملیشو مشری ورکړی.
    د داعشی ملیشو د اربکی ملیشو سره توبیر صرف په دی کی وو چه اربکی ملیشی سپین او ګلبدین هغه وخت تور او داعشی ملیشی به تور لست مګر ګلبدین په سبین لست کی شو بل توپیر دا چه هاغه وخت ګلبدین د باګرام له نظامی بیس او دا ځل د دارلامان له ماڼی څخه قومانده ورکوی

  3. ( غ ) حضرت صاحب د حکمتیار په اړه دی خبری سمی مګر د ځينو توضیحاتو په اړه دی معلومات سره توافق نه لرم :

    تاسی لیکلی چه قران کی د عقل او تعقل په اړه دیره یادونه شوی ( سمه ) مګر دا خبره مو چه عقل د ایمان تکمیلیدونکی دی ( ناسمه راته ښکاری ) .

    د انسانانو په نورو سترو ځانګړتیاوو سربیره متفکر ماغزه ( د ژوند د ښه والی ) او مهربانه زړونه ( ډاکتران یی نن صبا شپږم حس هم بولی ) یا د منفی او مثبتو احساساتو مرکزی دی نفرت ، محبت ، عشق ، غیرت، باور زیږول او ساتل او داسی نور په زړونو کی ځای لری ښه مثال یی د اسلام دایری ته ننوتل د کلیمی طیبی په ژبه اقرار او په زړه تصدیق لمړنی او مهمه برخه ده ، د ژبی اقرار د مغزو او تصدیق په زړه کی ترسره کیږی د ژبی په اقرار د کلیمی په معنی پوهیدل او د زړه تصدیق د هغه کلیمی د رشتونولی منلو زیږول او یقینی کولو ته وایی یعنی زړه کی کلیمه نه یواځی منل بلکه د هغه منلو د باره څه مسؤولیتونه او عملی کړنو ته اړه ده هغه په زړه کی ځای نیسی ، د عشق دفتر کی ثبت او درج کیږی .
    کله چه د عشق د فتر کی ثبت شوه یعنی له دانش ، اندیشی ته اوړی . دانش د انسان د ژوند د ښه والی او اوږدوالی غم کوی او عشق بیا د هغه رسالت له مخی چه ورته سپارل شوی ژوند د هغه هدف وسیله یا قربانی کول غواړی ، ځکه یو مجاهد یا استشهادی سره د دی چه سل په سلو کی یی تفکر یا عقل پوهیږی جه مرګ ته روان دی (کوم تفکر ورسره مجادله لری له مرګه یی ساتی ) مکر د زړه غشق د هغه تفکر او تعقل په مقابل کی بریا تر لاسه کوی او د عمر د شه والی او اوږدوالی په ځای د ستونزو او د عمر ته د پای ټکی ږدی یعنی ژوند د خبل هدف وسیله ګڼی. همدغه د زړه د عشق دغه مسولیت اخستلو ته ایمان هم ویلی شی
    ستاسی دا خبره چه تعقل د ایمان تکمیلوونکی دی ناسمه څرګندونه ده ، که تر دی زیاته اړه وه هم ستاسی نیوکو ته ځواب انشالله ویلی شم او که قناعت مو وکړو مننه کوم مګر مونږ پوه کړی .

    بل تاسی لیکلی : چه عقل تر علم ستر مقام لری

    ډوهم : دا هم ناسمه خبره ده ، علم د عقل تولید دی یعنی علم د عقل او عقل د ماغزو په واسطه زیږول کیږی او تولیدیږی یعنی مساوی څه نه دی چه مونږ یی سره مقایسه کړو چه کوم یو کوچنی او کوم ی ستر مقام لری لازم او ملزوم حیثیت لری که ماغزه نه وی عقل نشته او که عقل نه وی علم نشته ، مکر هغه علم چه د الله ج چاته عنایت کیږی هغه له دی فارمول هم بیرون او هم دننه دی بیرون دا معنی چه الله ج د هغه کس ماغزو ته فوق العاده یا خارق العاده ظرفیت ورکوی لکه عادی انسانانو کی یو انسان د بل په کچه ډیر ښه متفکر یا عاقل نه وی او په دی فارمول کی دننه په دی معنی چه الله ج نوی ماغزه نه ورکوی هماغه شته ماغزه یی ځانګړی کوی .

    دریم : تاسی لیکلیی عقلی ایمان تر موروثی ایمان ډیر فضلیت لری

    ستاسی دی جملی ته په دوهم جز کی ځواب لیکل شوی چه ایمان نه عقلی او نه ارثی دی دا سمه ده چه ایمان له تعقل او تفکر وروسته پیدا کیږی یعنی هغه کس چه ایمان لری باید ماشوم او لیونی نه وی یعنی تعقل او تفکر کولو حوګه وی څیړنی ، ارزونی ، څارنی او پلټنی کولی شی یعنی عقل د ایمان د پاره د پولیس او عسکر یا استخباراتو دنده ترسره کوی یو ځل چه ټول مواد د زړه په محوطه کی کیښودل شول زړه یی له تصدیقولو وروسته د عشق دفتر یا ډیپارتمنت ته لیږی چه د عشق په دفتر کی ورته ځای شته او که عشق د هغو ټولو په مخالف اړخ کی قرار لری . ارثی ایمان خو بلکل یادونه مه کوه څوک له موره کافر نه پیدا کیږی اسلام د ټولو انسانانو فطرت دی لکه خبری کول ، تنفس ، خوراک ، چشاک چه یی فطری برخه ده اسلام یی هم فطرت دی له پیدایښت وروسته د کورنی او چاپیریال د روزنی په اساس له اسلامه اوړی . همدغه چه الله ج فرمایی چه مونږ انسان په احسن تقویم سره خلق کړی د احسن تقویم یوه برخه یی همدغه مسلمان بودن دی

    څلورم : دا چه یو کافر مسلمانیږی او د هغه تیر ټول ګناهونه ورته بخښل کیږی دا د الله ج د فوق الهاده مهربانی پوری اړه لری تر څو په دی ډول کفار اسلام خواته رغبت پیدا کړی داسی فکر ونه کړی چه مونږ ډیر ګناهونه کړی نو مسلمان بودن به مونږ ته څه ګټه ولری دغه خبره د تعقل او ایمان پوری اړه نه لری

  4. پنځم : هو د دی خبرو سره مو موافق یم ، چه د الله ج په خدایی باور کولو د پاره د انبیاوو معجزی بی اثره نه دی مګر د الله ج د خدایی د عظمت زیاته برخه د الله ج په مخلوق کی تعقل او فکر کولو په واسطه تر لاسه کیږی مونږ مخکی هم لیکلی چه د ایمان د زیږولو د پاره مربوطه مسایلو کی تعقل او علم لرل یا ترلاسه کول ګټه لری مګر تکمیلول د عشق د دفتر دنده ده یعنی له دانش ( علم ) څخه عشق ( اندیشی ) ته اوړی .

    شپږم : تاسی دا هم لیکلی چه څوک د ځپل او نورو د عقل او علم پوری ګستاخی او بی ادبی کوی هغه ګمراه دی .

    که په دی اړه دی د خپل یا د نورو د عقل سره دی د (( سلیم )) لغت لیکلی وو سمه وه که څوک ایزمی او الحادی فلسفی تعقل او علم تر لاسه کړی وی د هغه د عقل د سمولو د پاره د هغوی سره مناظرو او حتی مجادلو ته اړه ده مونږ سم او ناسم تعقل ته په یوه سترګه نه شو کتلای مګر دا خبره چه د بشریت سره ګستاځی او بی ادبی کیږی ناسمه، غیر اسلامی او غیر انسانی عمل دی حتی په هغو مناظرو او مجادلو کی له اسلامی او انسانی اخلاقو او حکمت کار واخستل شی د اکثرو ګستاخیو او بی ادبیو اصلی عامل حرص او لویی وی شیطان د همدغه حرص او لویی ښکار شو

    اصل موضع :

    لمړی د حکمتیار ګستاخی او بی ادبی د نورو پوری د هغه د ډالرو د ترلاسه کولو او اسیرولو پوری اړه لری، د هغو ډالرو او مقامو له امله چه تر لاسه کړی یا تر لاسه کوی د ایات او احادیثو د بدلو تعبیرو په مټ یی هضموی دا کار به عبدالله بن ابی او نورو منافقینو هم کول ربانی ، سیاف او نور یی هم کوی ، حکمتیار که په ښکاره د نورو پوری خاندی دننه له ځان کرکه کوی چه سره د علمه داسی ګډی وډی ولی وایم ؟

    دوهم : د حکمتیار د دی خبری پوری چه داعشیان د ایران له خوا زیږول شوی او ملاتړ یی کوی ماشومان او لیونیان به هم ورپوری وخاندی د ایران شیعه یان دومره احمق شول چه په ځپلو زیږول شوو خبلی تکیه ګانی او مقدسه مکانونه ورانوی او خبل شیعه یان پرله پسی وژنی او په دی ملاتړ کی څه تر لاسه کوی ، ماشومان او لیونیان به هم داسی ونه وایی لکه څوک چه د اخرت دمخه ووایی لمړ له لویدیز راخیژی او ختیژ کی غروب کوی .

    دریم : مونږ په لمړی تبصره کی دا خبره واضح کړی چه داعش څوک ، چا او د څه د پاره وزیږول شول او د ګلبدین اړیکی او دنده د داعشیانو ( د داعشیانو مشر چه پخوا د اربکانو مشر وو ) په اړه توضیح کړی که نور لیکم تکراری دی .

    ځلورم : ګلبدین د دجالی سیاست ( فتنی ) تعریف همداسی کوی [ په هره وسیله ځان قدرت رسولو ته سیاست وایی ] نو ګلبدین د همدغه فارمول له مخی هم د کمونستانو ( تهاڼی او داسی نورو ) او هم نشنلستانو ( اڅکزی ، یون ، فضل کریم او داسی نورو ) حتی ستمیانو ( ربانی او مسعود سره یی څو ځلی ایتلافونه وکړل حتی د دوستم قاتل او ملحد او حتی هزاره ګانو سره ایتلافونه وکړل او کوی د امریکایانو او روسانو سره یی په دی ټولو کی ایتلافونه کړی او کوی حتی سرستختو یهودانو او صلبیانو سره هم که د ایتلاف اړه وی ایتلاف کوی مننه

تبصره وکړه

ستاسو ایمیل ادرس به هیڅ کله نشر نه شي.