افغانستان

بېړنی خبر: په کندهار ښار کې پر قوماندان جاجو سرتېری برید وشو

نن ټکی آسیا: د کندهار امنیتي چارواکي خبر ورکوي، چې نن له غرمې وروسته د کندهار ښار اړوند د اتمې ناحیې په ساحه کې د دغې حوزې پر قوماندان جاجو سرتېری برید شوی دی.

د کندهار د امنیه قومندانۍ ویاند ضیاء دراني د پېښي د پخلي ترڅنګ وویل ، چې په برید کې خپله جاجو ټپي شوی دی.

نوموړي وویل ، چې په برید کې بل چا ته زیان نه دی اوښتی.

ویل کېږي، چې د عبدالودود جاجو پر موټر باندې دا برید پر لاره د یوه پلي روان کس له لورې ترسره شوی.

تر اوسه  د برید چا مسؤلیت په غاړه نه دی اخیستی.

د کندهار ښار د میرویس روغتون یوې سرچینې وویل، چې نوموړي د سختو ټپونو له کبله ساه ورکړه.

عیني شاهدانو ویلي، چې په چاودنه کې د قومامندان جاجو موټر هم تخریب شوی او د وژل شویو جسدونو ټوټې یې شاوخوا لېدلې دي.

د یادونې وړ ده، چې د کندهار د پولیسو د دغه قوماندان په اړه وروسته له هغې د خلکو غوسې او توند عکس العملونه را پورته شول، چې  له یوې پيغلې شاعرې-مینه انتظار- سره یې د بد او ناوړه چلند په باب په رسنیو او ټولنیزو شبکو کې خبرونه او لیکنې خپرې شوې.

ویل کېږي، چې عبدالودود جاجو په ښار کې د ناوړه چلند او بد اخلاقو له امله د ډېرو خلکو د کرکې وړ ګرځېدلی او سخت ترې په تنګ شوي.
 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x