روسيه: امریکا پرخپله ناکامۍ پرده اچوي

نن ټکی اسیا (سه شنبه، ۲۴ سلواغې، ۱۳۹۶ل): په افغانستان کې د روسيې سفیر وايي، امریکا په افغانستان کې پر خپله ناکامۍ او د داعش پر نفوذ پرده اچوي.

د روسيې سفیر الکساند مانتیسکي له ټاس خبري اژانس سره په مرکه کې ویلي چې امریکا یوازې د روسيې پر ضد منفي تبلیغاتو ته اوږه ورکړې او په افغانستان کې خپله ۱۶ کلنه ناکامي او د داعش نفوذ ناپامه نیسي.

روسي سفیر یو ځل بیا ټینګار کړی چې د دوی له هڅو سره سره لا هم لوېديځ هېوادونه چوپه خوله دي او نه وايي چې د افغانستان په شمال کې هغه چورلکي د چا دي چې دلته وسله وال ښکته کوي.

مانتیسکي ويلي چې خپله اندېښنه يې په کابل کې د ملګرو ملتونو له دفتر «يوناما» سره هم شریکه کړې خو مثبت ځواب يې نه دی موندلی.

روسي سفیر د امریکا هغه دعوه چې روسیه يې د طالبانو ملاتړې بلله، بې اساسه وبلله او په وينا يې څو ځلې يې پر امریکا غږ کړی چې شواهد وړاندې کړي، خو نه يې شي وړاندې کولی.

د روسيې سفیر په داسې حال کې یو ځل بیا د افغانستان په شمال کې د امریکا له لوري د وسله والو د ځا پر ځای کولو اندېښنه په ډاګه کوي، چې افغان حکومت هم کله کله په شمالي ولایتونو کې د داعش د فعالیت خبر ورکوي.



یوه تبصره

  1. الحاج استاذ بیانزی

    روسیه د بی غیرتی ګیدړی په شان لکۍ تپوی ، حتی د امریکا له ډاره بغاری هم نه وهی چه امریکا ته د هغوی د پړو په اړه نر ځواب ورکړی حتی تر پاکستان غلام هم نامرده او بی غیرته دی .
    امریکا د روسانو په ضد په شکاره د مجاهدینو سره یی هر اړخیزی مرستی کولی تر دی چه له مجاهدینو یی جهاد په بیه رانیولو د روسانو شوروی اتحاد جماهیرو ته یی داسی ماتی ورکړه چه نوم یی هم ورله بل کیښود او د کمونستی الحادی فلسفه یی هم لکه د فرعون د مړی په شان په کوم زاړه موزیم کی د راتلونکو نسلو د عبرت د پاره وساتلو .
    افغانستان یی هم تری لکه د بزکشی خسی په شان په زور رانیولو ، امریکا فکر کولو چه پرونی غوښه او چاړه دواړه کمونستان او اخونیان هم ورسره دی افغانستان به خپل یو ستیت چوړ او په تریلونو معدنیات به تری لوت کړی روسی کیدړان ورته زیری زیړی ګوری همدا یی ښه وخت وو چه خپل غج یی تری اخستی وی برخلاف د امریکا سره اکمالاتو کی تر اخری کچی مرستی وکړی او کوی د طالبانو سره یی یوه مرمی مرسته هم نه ده کړی او نه طالبان د هغوی مرستی غواړی له امریکایانو یی کافی وسله غنیمت کړی . ولی بیا هم له ویری تل امریکا ته وایی ماپسی ملندی مه وهه ( من بسیار بی غیرت هستم ) دا کار د افغانانو په شان د غیرتی اولس کار دی چه خپل غچ اخلی

تبصره وکړه

ستاسو ایمیل ادرس به هیڅ کله نشر نه شي.