افغانستان

د کار او ټولنیزو چارو وزارت: د بې کاري سلنه نوره هم لوړه شوې ده

نن ټکی اسیا (یکشنبه، ۲۹ سلواغې، ۱۳۹۶ل): د کار او ټولنیزو چار وزارت وايي په هېواد کې د بې کاري سلنه نوره هم لوړه شوې ده.

د دې وزارت وزیر فیض الله ذکي پرون، په یوه خبري ناسته کې وویل، چې د بې کاري کچه دوه سلنه لوړه شوې ده.

په ورته وخت کې د کارګرانو اتحاديه وايي، حکومت د کاري زمینو په برابرولو کې پاتې راغلی دی.

د دې اتحاديې مشر معروف قادري وايي چې د دوی د معلوماتو پر بنسټ هر کال شاوخوا ۴۰۰ زره بشري ځواکونه کاري میدان ته راوځي، خو په مقابل کې يې کاري فرصتونه نشته.

د ګډ حکومت له واکه درې کاله تېرېږي، خو لا هم پخپلو لومړنیو ژمنو کې پاتې ښکاري.

تېره ورځ اجراییه رییس عبدالله عبدالله هم دا پړه ومنله او حکومت يې د کاري فرصتونو د نه برابرولو له امله ملامت وباله.

هغه چې پخپله د نیم حکومت شریک دی، په ګیله من انداز يې حکومت د بې کارۍ، فقر او نا امنۍ له امله پړ وګاڼه.

د شنونکو په باور د فقر او اقتصادي کمزورۍ لوی علت بې کاري ده، چې زموږ د ټولنې د ځوانې طبقې لویه برخه ورسره لاس او ګرېوان ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x