بیا طالب ته ضرورت دی/شعر

قاري سعید

 

د فتنو باران وریږي

د نفاق سیلۍ چلیږي

د وطن زړګی خوږیږي

بیا طالب ته ضرورت دی

 

چاله بلخه جنډه پورته

څوک له ارګه پوکي اور ته

د نفاق د لمبو شور ته

تور لاسونه دي تودیږي

بیاطالب ته ضرورت دی

 

د فساد لښکر بلا کړي

غواړي ټول وطن اغوا کړي

نه له خدای څخه حیا کړي

نه له خلکو نه شرمیږي

بیا طالب ته ضرورت دی

 

غواړي دا اولس یتیم کړي

متحد کور یې تقسیم کړي

په شمال جنوب یې نیم کړي

ځینې دې ته هوسیږي

بیا طالب ته ضرورت دی

 

هاغه آش هغه کاسه ده

کوڅه واکه اداره ده

د چونګښو پیمانه ده

ټوپکیزم تکراریږي

بیا طالب ته ضرورت دی

 

یو وار لوټ بیا یي برباد کړ

په غربیانو یې بیباد کړ

ښاد وطن یې را ناښاد کړ

لا هم نه ورته دریږي

بیا طالب ته ضرورت دی

 

کلي لوټ، ښارونه غصب

غر، غونډۍ ډاګونه غصب

هدیرې قبرونه غصب

هیڅ په خاورو نه مړیږي

بیا طالب ته ضرورت دی

 

سیکولر که لنډغر دي

یو له بل څخه بدتر دي

دواړه دې اولس ته شر دي

په فساد باندې پاییږي

بیا طالب ته ضرورت دی

 

شر فساد چې بیا جارو کړي

د نفاق لړې پارو کړي

د وطن زخم دارو کړي

تل مې زړه باندې وریږي

بیا طالب ته ضرورت دی

1
تبصره وکړئ

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
حنفی
میلمه
حنفی

همداسی مخکی تاریخ هم ثابته کړی او درب العزت سنت همدادی چه ولکل فرعون موسی انشا الله داد فساد په شیدو ستر شوی فراعنه به الله د یو بی کسه موسی په ذریعه هلاک او تبا کړی