افغانستان

هلمند: ګرشک کې پر پولیسو سرتېری برید شوی

نن ټکی اسیا (پنجشنبه، ۰۳کب، ۱۳۹۶ل): د هلمند ولایت امنیتي چارواکي وايي، نن له غرمې مخکې په ګرشک ولسوالۍ کې پر پولیسو سرتېری شوی شوی، چې له امله یې ۷ پولیسو ته مرګ ژوبله اوښتې ده.

د هلمند د والي ویاند عمر ځواک په خبره، پېښه د ګرشک ولسوالۍ په پارچاو سیمه کې شوې او وژل شوي او ټپي شوي عسکر د یوې پوستې ملګري وو.

د ننني برید په اړه تراوسه طالبانو څه نه دي ویلي.

د طالبانو له لوري رسنیو ته په لېږل شوې خبرپاڼه کې ویل شوي، چې تېره شپه دوې بجې یې د مارجې ولسوالۍ پر امنیتي پوستو بریدونه کړي وو، چې لس عسکرو ته یې مرګ ژوبله اړولې ده.

هلمند د سویلي ولایتونو څخه هغه ولایت دی، چې اوس مهال طالبان پکې شپږ ولسوالۍ تر بشپړې ولکې لاندې لري.

تېره ورځ د هلمند د ولایتي شورا غړو ویلي وو، چې په تېره یوه میاشت کې یوازې په لښکرګاه کې له سلو ډېرو امنیتي کسانو ته مرګ ژوبله اوښتې ده.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبدالولی (فهیم)۰

ډیر ښه کار شوی دی چی بد ګرځی بد به پرځی.

Back to top button
1
0
Would love your thoughts, please comment.x
()
x