افغانستان

د امریکا نظامي لګښتونه به ۱۳ سلنه لوړ شي

نن ټکی اسیا (یکشنبه، ۰۶کب، ۱۳۹۶ل): امریکايي رسنۍ وايي راتلونکي میلادي کال کې به د امریکا نظامي لګښتونه ۱۳ سلنه لوړ شي.

هشت صبح، ورځپاڼه د امریکايي سرچینو په حواله وايي چې ډونالډ ټرمپ غواړي د امریکا دفاعي بودجه ۷۱۶ میلیارده ډالرو ته ورسېږي.

د سرچينې په وینا د امریکا اوسنۍ نظامي بودجه هم د اتو لویو هېوادونو د نظامي بودجې د مجموعي په اندازه ده.

د امریکا دفاع وزیر اوسنۍ نظامي بودجه هم مناسبه بولي او وايي چې باید ویاړ يې ډونالډ ټرمپ ته منسوب شي.

ویل کېږي د نوې بودجې له جملې به ۷۰ میلیونه ډالر یوازې د امریکا د سمندري ځواکونو روزنې ته وقف شي.

د سرچينې په وینا امریکا هوډ لري چې په امنیتي لیکو کې ۱۶۴۰۰ تنه نور هم اضافه کړي.

امریکا له خپلو اروپايي متحدینو سره د روسيې د ممکنه خطر پر وړاندې هم ۶،۳ میلیارده ډالره بودجه ځانګړې کړې ده.

یاده دې وي د ډونالډ ټرمپ له لوري په افغانستان کې د جګړې دوام د امریکا د کانګریس ځينو غړو او امريکايي ولس له لوري پرلپسې غندل شوی دی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x