افغانستان

یوناما: د جګړې ښکېل اړخونه دې د ملکي وګړو خوندیتوب ته پام وکړي

نن ټکی اسیا (دوشنبه، ۰۷کب، ۱۳۹۶ل): د ملګرو ملتونو مرستندویه ادارې «یوناما» یو ځل بیا په افغانستان کې د جګړې له ښکېلو اړخونو غوښتي، چې د ملکي وګړو خوندیتوب ته پام وکړي او اړین ګامونه دې پورته کړي.

د یوناما له لوري په خپره شوې خبرپاڼه کې ویل شوي، چې د ملکي وګړو د خوندیتوب لپاره یې په افغانستان کې له بېلابېلو خلکو سره خبرې کړي او د بحثونو په پایله کې ټولو د جګړې له ښکېلو اړخونو وغوښتل چې د ملکیانو ژوند ته دې پام وکړي.

یوناما دوه اوونۍ وړاندې په خپل کلني راپور کې ویلي وو، چې تېر ۲۰۱۷ ز کال کې افغانستان کې لسو زرو ملکیانو ته مرګ ژوبله اوښتې، چې ۶۵ سلنه یې طالبان ګرم بللي وو.

یوناما د جګړې له ښکېلو اړخونو د ملکي وګړو خوندیتوب غوښتنه داسې مهال کړې، چې د تېرې جمعې په ورځ افغان ځواکونو د فراه په بالابلوک ولسوالۍ کې ۳۰ ملکیانو ته مرګ ژوبله واړوله.

د ټرمپ له نوې ستراتېژۍ د اعلان وروسته ګډو ځواکونو په هوايي بمباریو زیاتوالی راوستی، چې ډېری ملکیانو ته پکې مرګ ژوبله اوړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x