شعـــــرونه

د سوريې ناورين / الحاج بریالی

الحاج احمد(بریالی)

ترلېمو مي اوښکي ځي د زړه له مات
چنګېزي لښکر پر شام کړ عرصات

د غازی سلطان زنګي قام یې تباه کړ
یرغمل کړ تور صلیب اب د حیات

ایوبي سلطانه پورته شه له خوابه
ستا پر کلي د بمونو برسات

تاندي هیلي په باروتو لولپه سوې
درد و غم کړ ویر لړلی عرفات

غزنوي سلطانه لیچي دي رابډ وهه
زلزله شه پر ماڼۍ د سومنات

احمدشاه بګړۍ دي مه ایږده له سره
مرهټیان بیا قدم ږدي په خراجات

د معصومو ماشومانو پرقاتل بیا
ژر جاري کړه زموږ د وینو مجازات

په دردو یې کردګاره ګرفتار کړه
خوار احمد کوي باداره مناجات

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x