شعـــــرونه

د هجر ماښام / نظام کندهاری

شاعر: نظام کندهاری

د خوږې مينې مازديګر مې څه شو؟
د تاندو هيلو زيړۍ لمر مې څه شو؟

اوس به د کوم پير لاس نيوی کومه؟
د عشق مُرشد د عشق رهبر مې څه شو؟

شپه پسې بل ماښام د هجر راشي
هغه د وصل سپين سحر مې څه شو؟

ژوند مې تيريږي د سلګو روژه کې
لا خبر نه يم چې اختر مې څه شو؟

ورته غوږ غوږ يم چې به کله واورم ؟
څه شو آذان ، بلال ‍، ممبر مې څه شو؟

د بيلتون غشو مې سينه کړه زخمي
علاج د درد او د پرهر مې څه شو؟

نظام يې لارې د راتلو څارمه
کله به راشي د زړه سر مې څه شو؟

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x