افغانستان

خوست: د کمپاین عسکرو پر یوه دیني مدرسه چاپه اچولې ده

نن ټکی اسیا (سه شنبه، ۱۵کب، ۱۳۹۶ل): تېره شپه د خوست مرکز اړوند د دروغي کلي کې د کمپاین عسکرو د اشرف العلوم پر مدرسه چاپه اچولې، چې د مدرسې استادان او شاګردان یې وهلي ـ ډبولي او د مدرسې اړوند توکیو ته یې اور اچولی دی.

ځايي خلکو ویلي، ګډو ځواکونو د دې مدرسې لس تنه شاګردان له ځانونو سره وړي او لسو موټر سایکلونو ته یې اور اچولی او له منځه یې وړي دي.

د اشرف العلوم مدرسې استادانو رسنیو ته ویلي، چې ګډو ځواکونو د قران کریمونو او دیني کتابونو سپکاوی هم کړی او د مدرسې استادان او شاګردان یې سخت وهلي دي.

درې ورځې وړاندې هم د خوست په نادرشاه کوټ ولسوالۍ کې د کمپاین عسکرو د یوې کورنۍ څلور تنه وژلي وو او دوه تنه یې ژوندي وړي وو.

تېره ورځ په خوست کې د نادرشاه کوټ او علیشېرو ولسوالیو زرګونه اوسېدونکو د کمپاین عسکرو پر ضد لاریون کړی وو.

کمپاین عسکر د امریکا د استخباراتي ادارې اړوند ډله ده، چې تجهیز، وسایل او پیسې هم دوی ورکوي او افغان دولت پرې حاکمیت نه لري.

په دې وروستیو کې د هېواد په بېلابېلو ولایتونو کې پر دیني مدرسو چاپو زور اخیستی، چې لسګونه شاګران یې وژل شوي او ځینې یې ژوندي بېول شوي دي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close