افغانستان

افغان ژباړونکي: المان دې موږ ته پناه راکړي

په کندوز کې له الماني عسکرو سره افغان ژباړونکو په یاد هېواد کې د سیاسي پناه غوښتنه وکړه.
دغه ژباړونکي چې د نوید احمد نوري په مشرۍ په یوه اعتراضیه غونډه کې  راټول شوي وو، وايي چې دوی له آلماني عسکرو سره کلونه خدمت کړی باید غږ يې واورېدل شي.

نوید احمد نوري رسنیو ته ويلي چې له هېواد نه ایساف ځواکونه په وتو دي او د کندز امنیتي وضعه ورځ تربلې خرابېږي، ځکه خو باید آلمان دولت له خپلې ژمنې سره سم زموږ غم وخوري.
نوموړي وویل چې د ناټو غړو هېوادونو ټولو ژمنې کړې وي، چې خپل ټول ژباړونکي به بهر ته لېږي، خو اوس الماني چارواکي زموږ غږ نه اوري.
د غونډې یو بل تن ګډونوال چې له الماني عسکرو سره په کندوز کې ژباړن و، وويل چې المان دولت د دوی د ژباړنې اسناد بېرته رد کړي، او ورته ویل شوي دي، چې تاسې په درېیمه ډله کې یاست چې زموږ د اصولو له مخې ډېر خطر درته متوجه نه دی.
دا په داسې حال کې دی چې تر دې وړاندې د امریکا کانګریس وروسته له ډېرو بحثونو پر دې مشوره هوکړې ته ورسېدل، چې خپلو ځینو افغان ژباړونکو ته به پناه ورکوي. تر دې وړاندې د بریتانايي ځواکونو افغان ژباړونکو د یاد هېواد د سفارت مخکې پټ مخې مظاهره وکړه، چې د سیاسي پناه غوښتنه يې کوله.
د شنونکو په باور د افغان ژباړونکو دغه وارخطايي دا په ډاګه کوي، چې افغان دولت نور مخ پر ځوړ روان دی او ولس پرې د ځان ساتنې بروسه نه لري، سره له دې چې افغان امنیتي مسوولین هره ورځ د سلګونو طالبانو د له منځه وړلو خبرونه خپروي، خو دا هسې یوه تبلیغاتي هڅه ده.
د چارو شنونکي انګېرې چې ښايي سږنی کال په ډېرو مهمو قضایاوو کې یو پرېکړه کوونکی کال واوسي.
طالبانو تراوسه د افغان ژباړونکو اړوند کوم ځانګړی خبرداری نه دی ورکړی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x