ولي تاسي دیني تجدد نه منئ؟ – د ملحدینو د سوال ځواب

عبدالغفار جُبیر

لومړی به تجدد و پیژنو:

یعني نوی کول، په اصولو کي بدلون راوستل، اصلاح کول، پر نیمګړتیاوو له سره غور کول.

داچي اسلام یو الهي دین دی، او د یوه خالق او مالک له لورې د انسانانو د نېکمرغۍ، خوشحالۍ او سوکالۍ په موخه و اخري پیغمبر حضرت محمد صلی الله علیه وسلم ته ورکړل سویدی، له همدې کبله په دې الهي کلام کي د اصلاح سوال نسته، نه نیمګړتیاوې پکښې سته او نه هم کوم داسي څه پکښې دي چي د بشریت لپاره دي، دنیوي یا اخروي نقصان وي، برعکس اسلام د ژوند یوه بشپړ تګلاره او ضابطه ده، اسلام د تعمیر انسانیت سمبول دی، اسلام د ټوله بشریت د ټولو مشکلاتو حل دی، اسلام د پرمختګ او سوکالۍ دین دی، اسلام د بشریت لپاره ښه قوانین او احکام لري، تاسی و ګوري په ټوله نړۍ کي ښځې تر نارینه وو زیاتي دي، په هیڅ مفکورې او قانون کي ددې درملنه نسته، خو اسلام یې د حل لاره ده، په ټوله نړۍ کي نشه مخ په وده ده، چي په لکونو انسانان ددې لعنت له کبله خپل ژوند دلاسه ورکوي، اسلام یې حل دی، تر ۸۰٪ انسانان زیات روحي تسکین نلري، خو اسلام یې حل دی او داسي نور…

اسلامي قوانین داسي قوانین نه دي ، لکه د انسانانو د ناقصو عقلونو محصول چي یوه ورځ سم وي او بله ورځ و تجدید ته اړتیا لري، تاسي و ګوري چي د افلاطون نظریات تر نیمايي زیات اوس رد سویدي، دا ولي؟ ځکه چي دا د یوه انسان په لاس لیکل سوي قوانین وه، یو وخت درسته وه خو اوس ناقص دي، د بطلیموس، جالینوس، سقراط او بقراط طبي قوانین یو وخت په نړۍ کي درسېدل خو اوس هغه ټول ناقص سول، دا ځکه چي هغه د ضعیفه انسان د فکر او عقل محصول وه.

اسلامي قوانین او احکام به تر قیامته پوري ثابت وي او ثابت دي، په دې کي هیڅ تغیر او تبدیل نه راځي، که چیري تاسي و الهي قوانینو ته د بشري قوانینو په سترګه ګورئ ، دا ستاسو کمزوري او ناپوهي ده، تاسي باید الهي کلام او بشري کلام سره بېل کړی.

قرآنکریم ولي الهي کلام دی؟؟؟

۱: د قرآنکریم د نزول ۱۴۰۰ کاله کیږي، تر اوسه ددې کتاب په شان په ټوله نړۍ کي هیڅ یوه انسان داسي کتاب نه دی وړاندی کړی، چي ددې مقابله وکړي، حتی ددې کتاب د یوه سورت او ایات په شان هم نسي کولای چي یو څوک یې وړاندي کړي، نو ځکه دغه کتاب الهي کتاب دی.

۲: په قرآنکریم کي وړاند وینې سویدي، لکه د مکې فتح، د رومیانو او فارسیانو تر منځ جګړه او کامیابي، او داسي نور… یوه وړاند وینه نه ده غلطه سوې، خو بشر داسي وړاند وینه نسي کولای چي ۱۰۰٪ دي رښتنې سي، نو ځکه قرآنکریم الهی کلام دی او بشري کلام نه دی.

۳: په قرآنکریم کي ساینسي حقایق زښته ډیر دي، چي تر ۷۰۰ زیات ایاتونه د ساینس په هکله دي، زه به یوه بېلګه درته وړاندي کړم: جنین پوهنه (Embryology)سل کاله مخکي نه وه، خو په قرآنکریم کي ۱۴۰۰ کاله مخکي ورباندي پوره رڼا اچول سوې ده، همدارنګه په قرآنکریم کي بیولوژي(Biology)، جیولوژي(Geology)، سمندر پوهنه(Oceanology)، کیمیا(Chemistry)، فریک(Physics) او نور په زرهاوو علوم شته، چي دا پردې دلالت کي چي دغه الهي کلام دی او بشري کلام نه دی.

۴: تاسي وګورئ کله چي په نړیواله توګه سره په ساینس کي یوه څېړنه وسي، یو کال وروسته هغه بیرته منسوخه سی اونوې څېړنې پیل سي، خو په قرآنکریم کي هیڅ داسي اصول ، قوانین او ساینسي حقایق نسته چي بشر دي رد کړي وي، صرف هغه کسان چي تعصب کوي او تعصب لري هغوی کوښښ کوي چي په قرآنکریم کي ټکرونه پیدا کړي، خو هیڅ داسي شواهد نسته ، اخر دغه متعصبین خپله په ایمان مشرفه سي،نو ځکه موږ ویلای سو چي قرآنکریم الهي کلام دی او بشري کلام نه دی.

او داسي نور په زرهاوو توپیر د الهي کلام او د انساني کلام تر منځ شته.

له همدې کبله اسلام د تجدد ته نه اړتیا لري، او تجدد پکښې کېدلای سي.

د نن ټکی اسیا یوټیوب چېنل
avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
غ.حضرت
میلمه
غ.حضرت

د اسلام د دښمنانو ( په واقعیت کی د فطرت د دښمنانو) مراد او مقصد د تجدد څخه دادی چه ټول باید د شیطان غوښتنو ته تسلیم شی.څومره پلید خلګ دی دا مارکسیسټان

سلامت خان
میلمه
سلامت خان

غ. حضرت ګله! بلې خواته د خلکو د ذهنونو د سوق کولو کوښښ مه کوه. مارکسستان له سره يو دين هم نه مني، نه اصلي او نه تجديد شوی. دا خو سيکولران، لېبرالان، غرب پلوي ملحدان (هيومنستان) او دېموکراتان دي چې د تجدد په نامه په اسلام کې د بدلون راوستلو غوښتنه کوي او پدې ډول غواړي چې د اسلام دين له خپلې اصلي محتوا تش کړي او پر ځای يې د غرب له لوري راصادر شوي د غربي سيکولرې فلسفې مفاهيم ور واچوي. تر مارکسستانو هم پليد خلک هغه سيکولر منافقان دي چې په ظاهره د خلکو د تېر… نور لوستل »