افغانستان

غيرت بهير: دوهم پړاو ټاکنو کې د هيچا ملاتړ نه کوو

نن ټکی اسيا: د انجينر ګلبدين حکمتيار په مشرۍ د حزب اسلامي ګوند په ولسمشریزو ټاکنو کې د چا ملاتړ نه کوي.

ددغه ګوند د سياسي کمېټې مشر ډاکتر غيرت بهير ویلي ، چې دوی  ولسمشريزو ټاکنو دوهم پړاو ټاکنو کې د هيڅ نوماند تر شا نه دریږي.

د ښاغلي انجینر ګلبدين حکمتيار په مشرۍ حزب اسلامي ګوند د ولسمشريزو ټاکنو په لومړي پړاو کې  د انجينر قطب الدين هلال ملاتړ کړی و.

د غیرت بهیر له خبرو مخکې داسې اوازې وې چې کيدای شي انجينر قطب الدين هلال ډېر ژر د ولسمشريزو ټاکنو دوهم پړاو لپاره د ډاکتر اشرف غني احمدزي ملاتړ وکړي.

بهیر زیاته کړې، قطب الدين هلال دا حق نه لري، چې د حزب اسلامي په استازيتوب د ډاکتر اشرف غني څخه ملاتړ اعلان کړي.  

دده په وینا که قطب الدين هلال داسې پرېکړه کوي، نو دا به د ده شخصي پرېکړه او دوی سره د کړو ژمنو پر خلاف کار او سياسي انتحار وي.

د ولسمشريزو ټاکنو په لومړي پړاو کې هيڅ نوماند پنځوس+۱ سلنه رايې تر لاسه نکړې او د ډېرو سياسي هلو ځلو سربېره بيا هم ټاکنې دوهم پړاو ته لاړې.

د روان غبرګولي مياشت په ۲۴ نيټه (شپږو ورځې وروسته) به د ولسمشريزو ټاکنو دوه مخکښو کانديدانو  ډاکتر عبدالله عبدالله او ډاکتر اشرف غني احمدزي تر منځ د ولسمشريزو ټاکنو دوهم پړاو سيالۍ تر سره شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x