د نن سرلیکنه

د اشغالګرو په شتون کې مو هم اختر خونړی وي هم نوروز

نن ټکی اسیا – سرلیکنه:

نن د چهارشنبې ورځ چې د هجري لمریز کال لومړۍ ورځ وه ، د کابل ښار په کارته سخي سیمه کې د چاودنې له امله ۳۳ تنه مړه او ۶۵ تنه نور ټپيان شول.

همدا راز تیره ورځ د هیواد په جنوب لویدیځ ولایت فراه کې د امریکايي بمبار له امله اووه تنه کلیوال مړه او په لسګونو نور ژوبل شول.

دا چې د کال د لومړۍ ورځې د مرګ ژوبلې شمیره مو تر سلګونو کسانو رسیږي له دې څخه ښکاري چې د هغه راتلونکي ورځې به لا خونړۍ او تر دې هم لا ویرجنې وي.

وژنې، ویرنې ویجاړي او تباهي د امریکايي اشغال هغه شوم محصول دی چې د افغانانو د خوښۍ ورځې یې په غم او درد بدلې کړي او د هغوی تر شتون پوري د کال په هر فصل او موسم کې د هیڅ ډول خوښي توقع ناممکنه ده.

ګډ حکومت د اشغال د ناولي محصول په توګه د هغه په بدنه کې د شته فساد، بیواکي او ګوډاګیتوب له امله د افغانانو د دغو ټولو ناخوالو اساسي لامل دی.

همدا وجه ده چې اشغالګر حامیان یې د افغانستان د مزیدې تباهي او بربادي لپاره پر نامشروع دوام ټینګار کوي او د هغه د فاسد واک د بقاء لپاره له یوې خوا د جنګي ستراتیژۍ په مټ بمونه اوروي او له بلې خوا د نظام د فاسدو چارواکو تر رعایت لاندې د جګړه مارو اجرتي ډلو د تکثر او تولید پروژې جوړوي.

د کابل ننی خونړی برید په حقیقت کې د امریکايي اشغالګرو په تمویل او تجهیز د روزل شویو او ساتل شویو داعشي ملیشو هغه وحشیانه اقدام دی چې د افغانانو د مرعوب کولو او د هغوی تر منځ د قومي او مذهبي اختلافاتو را پارولو په غرض تر سره کیږي.

هغوی غواړي په دغه وحشت سره له یوې خوا زیات ولسي افغانان ووژني او له بلې خوا دلته د جګړې جاري ساتلو لپاره د هغوی ترمنځ قومي او مذهبي اختلافاتو ته زمینه مساعده کړي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
mha

IS and Taliban both killing innocents which is forbidden by holy Quran and against Mohammad’s(pbh) teachings.

Back to top button
1
0
Would love your thoughts, please comment.x
()
x