تر کوم وخته به داسي تېز او چټک لمونځونه کوو؟

ژباړه: حافظ سفیان خالد

دوستانو! لږ دمه شئ او دا وينا په غور ولولئ!

څه سبب دی، چي ۶۰ کاله لمونځ کوو، مګر نه قبولېږي؟

ايا سبب یې پېژنئ؟

أبوهريرة -رضي الله عنه- فرمايي:

يو سړی به ۶۰ کاله لمونځ کوي، خو قبولېږي به نه، چا ورته وويل: هغه څنګه؟

ويل: د لمانځه رکوع، سجده، ولاړه او خشوع یې سمه او برابره نه وي.

عمر بن الخطاب -رضي الله عنه- فرمايي:

يو سړی په اسلام کي بوډا شي، خو يو رکعت لمونځ به يې قبول نه وي،

ورته وويل شوه: ولي يا أمير المؤمنينه؟

ويل: رکوع او سجده يې نه پوره کوي.

إمام أحمد بن حنبل -رحمه الله- فرمايي:

پر خلګو داسي وخت راتلونکی دی، چي لمونځ به کوي، مګر په حقيقت کي به لمونځ نه وي. (سم به يې نه ادا کوي).

امام غزالي -رحمه الله- يو سړی په دي ګمان سجده کوي، چي الله تعالی ته پرې نيږدې شي،

مګر په الله قسم که ددې سجدې ګناه د ټول سيمي پر اوسېدونکو ووېشل شي، نو تباه به شي،

پوښتنه تري وشوه، چي هغه څنګه؟؟

ويل: سر د خپل مولا په حضور کي ږدي، خو زړه يې په دنيا او ملهياتو مشغول وي،

نو دا کومه سجده شوه؟؟؟؟؟

نبي -عليه الصلاة والسلام- فرمايي: ((او زما د سترګو یخوالی په لمانځه کي اېښودل شوی دی ))

د الله په خاطر ايا يو ځل موږ داسي لمونځ کړی، چي سترګي مو پرې یخي شوي؟؟؟

ایا کله مو دي ته شوق شوی، چي کور ته ژر ګرځېدلای وای او الله ته مې دوه رکعته لمونځ کړی وای؟

ایا کله مو شپې ته شوق شوی، چي ته په خلوت کي له الله سره يو ځای شې؟

الله سبحانه وتعالی فرمايي:

أَلَمْ يَأْنِ لِلَّذِينَ ءَامَنُوٓا أَن تَخْشَعَ قُلُوبُهُمْ لِذِكْرِ اللَّهِ [سُورَةُ الحَدید : 16]

ايا د ايمان راوړونكو لپاره لا تر اوسه پوري هغه وخت ندى راغلى، چي د هغو زړونه د الله له ذكر څخه ويلي شي.

ابن مسعود -رضي الله عنه- فرمايي: زموږ د اسلام راوړلو ۴ کاله کېدل، چي الله دا ایت نازل کړ، نو د الله په دې عتاب او په خپله لږ خشوع وژړل،

وروسته راووتلو او يو بل ته مو ويل: چي ايا د الله دا قول دي نه دی اورېدلی:

ألم يأن للذين آمنوا أن تخشع قلوبهم لذكر الله ……

نو زموږ څخه يو صحابي له وېري پر ځمکه ولوېد ..

نو ګرانه وروره او ګراني خورې!

ايا کله دې دا احساس کړی، چي الله په دي ایت سره موږ او تاسو ته عتاب اوروي.؟

د ګناه کوچنيوالي ته مه ګوره، بلکي دې ته وګوره، چي د چا نافرماني کوې..؟

3
تبصره وکړئ

avatar
3 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
غ.حضرت
میلمه
غ.حضرت

سلام علیکم. ما څلور پنځه کاله مخکی د کوم دوست په توصیه د نن ټکی آسیا وبسایټ ته مراجعه وکړه، دوه درې ځله می وکوت او شاید کومه تبصره می هم ورلېږلې وی خو وروسته می نوموړی سایټ اصلاً د خاطرې څخه پاک سو یعنی د پاملرنی د مدار څخه می بیخی ووت. څو میاشتی مخکی می بیا ورته پام شو، هم اول ځل او هم دا وروستئ ځل د نن ټکی آسیا د سطحی لیدنی څخه می داسی و فهمول چه ګواکی نن ټکی آسیا د مستو یا شلومبو یو ساده دُکان دی او فقط د پیسو تخته دان… نور لوستل »

غوربندی
میلمه
غوربندی

غ حضرت صاحب
نن پاڼه په نسبي توګه تر ټولو خپلواکه درنه او ملي اسلامي نوامیسو ته ژمته پاڼه ده، چلوونکي یې چې هر څوک دي خدای ج دې اباد لري.

غ.حضرت
میلمه
غ.حضرت

آمین