fbpx

ټرامپ د سوریې څخه خپل ځواکونه ایستل، سعودي یې پاتې کېدل غواړي

نن ټکی اسیا (شنبه، ۱۱ وری، ۱۳۹۷): په سپینه ماڼۍ کې دوو جګپوړو چارواکو رسنیو ته ویلې چې ټرمپ غواړي له سوریې څخه خپل ځواکونه را وباسي.

ټرمپ د اوهایو په ایالت کې د یوې وینا پر مهال هم ټینګار کړی وو چې امریکا به ډېر ژر خپل ځواکونه له سوریې څخه را وباسي.

نوموړي د تیرې پنجشنبې په ورځ د اوهایو په غونډه کې وویل: «مونږ به ډېر ژر له سوریې څخه را ووځو، مونږ به خپل هیواد ته را وګرځو چیري چې باید مونږ واوسو».

ټرمپ په داسي وخت کې دغه څرګندونې کوي چې اکثره پوځي جنرالان او ایتلافیان یې د عسکرو د پاتې کېدو په حق کې دي.

فرانسې تېره ورځ «جمعه» اعلان وکړ چې دوی به په سوریه کې خپل د ځواکونو شمېر زیات کړي، تر څو د امریکا په مشري د داعش پر خلاف جګړه کې زیاته ونډه ولري.

بلخوا یوه امریکايي چارواکي وال سټریټ ژورنال ته ویلي چې امریکا لږ تر لږه باید د دوه کلونو لپاره په سوریې کې خپل ځواکونه پریږدي، تر څو هغه لاسته راوړنې خوندي شي چې د سخت دریځو د شړلو وروسته تر لاسه شوي دي او ددې لپاره چې سوریه د ایراني ځواکونو لپاره په همیشنۍ پوځي قرارګاه بدله نه شي.

بلخوا د سعودي ولیعهد محمد بن سلمان چې اوس مهال امریکې ته په دوه اونیز رسمي سفر تللی، «ټایم» مجلې ته ویلي چې امریکايي ځواکونه باید له سوریې څخه ونه وزي، او باید چې د سوریې واک د اوسني ولسمشر بشار الاسد سره پاته شي.

نوموړي ویلي چې د سوریې د اوسني ولسمشر په ګټه به نه وي که چیري ایرانیانو ته په سوریې کې خلاص لاس ورکړي.

ابن سلمان ویلي چې ایران غواړي پر سوریې د واک تر لاسه کولو وروسته عراق او د سوریې له لاري منځني سپین سمندر ته لاره پيدا کړي، که امریکايي ځواکونه په سوریه کې پاتې شي، نو د ایران مخه به ونیولې شي، کنه ناورین به را منځته شي.

نوموړي ویلي چې امریکايي ځواکونه که چیري د ډیرې مودې لپاره نه پاتې کیږي، نو باید د یوې متوسطې مدې لپاره پاتې شي.

ابن سلمان ټینګار وکړ چې په سیمه کې د ایران د نفوذ د مخنیوي لپاره وروستی خنډ امریکايي ځواکونه دي.

بلخوا امریکايي رسنیو خبر ورکړی چې ولسمشر ټرمپ د بهرنیو چارو وزارت له لوري د سوریې د ازادو شویو سیمو لپاره منظور شوی د ۲۰۰ ملیونه ډالرو مرستې د درولو امر کړی دی، دغه پیسې د ازادو شویو سیمو د بیا رغونې لپاره پخواني وزیر ریکس تیلرسن منظوري کړي وې.

avatar
  ګډون وکړئ  
خبرتیا غوښتل د