پاکستان یو ځل بیا پر کونړ لسګونه توغندي توغولي

نن ټکی اسیا (دوشنبه، ۱۳وری، ۱۳۹۷ل): د کونړ ځايي چارواکي وايي، په تېرو ۲۴ ساعتونو کې پاکستانیو پوځیانو د کونړ پر دانګام او شلتن ولسوالیو ۱۵۵ توغندي توغولي، چې خلکو ته یې درانه مالي زیانونه اړولي دي.

د کونړ د امنیې قومندانۍ ویاند فرید الله دهقان وايي، د ډیورنډ کرښې سره په نږدې ولسوالیو د پاکستانیو پوځیانو د توغول شویو توغندیو کې یوازې مالي زیان اوښتی؛ خو مرګ ژوبله نه لري.

پاکستان له تېرو څو کلونو راهیسې د کونړ پر اسمار، شلتن، دانګام، مرورې او یو شمېر نورو ولسوالیو د توغندیو بریدونه کوي، چې لسګونه خلکو ته پکې مرګ ژوبله اوښتې ده.

تېر کال یوازې د شلتن ولسوالۍ کې ۲۵۰ کورنۍ د پاکستانیو توغندیو د توغولو له امله بې ځایه شوې وې.

درې میاشتې وړاندې د دفاع وزارت افغان سرحدي ځواکونو ته امر کړی و، چې د پاکستانیو توغندیو ځواب په توغندیو ورکړي؛ خو تراوسه افغان ځواکونو کوم غبرګون نه دی ښودلی.

avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
الجاج استاذ بیانزی
میلمه
الجاج استاذ بیانزی

زه باور لرم چه دغه توغندی چه د پاکستان له خوا یادول کیږی د امریکا په دستور او دکابل د اداری په تفاهم تر سره کیږی جه په واسطه یی د خلکو پام له امریکا او ناتو پاکستان ته اړوی او د دی کار د پاره چه نوم یی پدنامیږی امریکا پاکستان ته رشوت او د هغو توغندیو بیه ورکوی . په څنګ کی د افغانستان خلکو ته شیوی چه پاکستان زمونږ دشمن دی نو طالبان هم زمونږ په مقابل کی کاروی یعنی طالبان یی هم یو ډول توغندوی دی . د پاکستان دغه توغندوی له شروع تر اوسه یو… نور لوستل »

Zadran
میلمه
Zadran

بیانزی صاحب ،دستا تبصره می ولوسته،خو زه در سره موفق نه یم،پاکستان له خپل ملک سره دومره مینه لری چه پوښتنه ورڅخه وکړی چه مسلمان یی که پاکیستا نی .نو د پاکستانی ځواب به وی.مین پاکستانی هو،دوی په هیڅ صورت د خپل ملک نوم نه بدوی.او نه د ملک سودا کوی، د دوی توغندی ځانی تلافات لری،خو د خوار غریب غږ څوک اوری.یوازی نه دا چه ځانی تالفات لری بلکه .د کنړغیور خلکو ته.روحی،فزیکی ،جسمانی،تاوانونه لری.حتی په هغه ماشومانو هم آثر لری چه تراوسه د میندو په ګیډه کی دی.او بل غټ تاوان یی د کنړ ښایسته ځنګل ته دی،هر… نور لوستل »