افغانستان

ویسا: ارګ باید د کندوز پر پېښه بښنه غوښتې وای

نن ټکی اسیا (چهارشنبه، ۱۵وری، ۱۳۹۷ل): له کابله خپرېدونکې ورځپاڼه ویسا، د کندوز د وروستۍ بمبارۍ په اړه لیکنه کړې او پر ارګ يې غږ کړی چې له امله يې باید بښنه غوښتې وای.

د سرچينې په قول دا ډول بریدونه هیڅ توجیه کېدلی نه شي او نه يې باید د توجیه کولو هڅه وشي.

وړمه ورځ د کندوز په دشت ارچي کې د دستاربندۍ پر مراسمو بمبارۍ کې ۱۵۰ تنه ووژل شول او تر ۲۰۰ ډېر نور ټپیان شول.

ویسا د حکومت له لوري دا ډول برید د حکومت د ګوښه توب او د ولس له لوري رټل کېدو او شړل کېدو له امله بولي.

«حكومت چې د هېواد په شمال كې په يوه كلي كې جومات بمباردوي، دا يې د دې ثبوت دى چې په دې كلي او ولس كې دوى ځاى نه لري، حاكميت نه لري. دغسې له ولسه رټل شوي چارواكي او حكومت به يوازې د پرديو تر سيوري لاندې د ټوپك په زور پر ولس څومره خپل زور وچلوي؟»

ورځپاڼه د حکومت له لوري دا دعوه چې ګواکې په جلسه کې د وسله والو طالبانو غړي یا مشران موجود و، کمزورې پلمه بولي او په وینا يې «د بمبارۍ معنا دا ده چې بريدګرو ته ټول عام ولس او طالبان هدف دي.»

ویسا لیکي حکومت دا جرئت ونه کړ چې د پېښې بښنه وغواړي، بلکې برعکس يې د توجیه کولو هڅه وکړه، چې د مقالې د لیکوال په وینا دا ثابتوي چې حکومت له خپل ولس سره په جګړه بوخت دی.

«دفاع وزارت او ارګ بايد په داسې پېښو له ولس نه بښنه غوښتې واى، بايد د جنايت لاملين يې په سزا رسولي واى چې د ټپي او په ماتم كې ډوب ولس يو څه تسليت شوى واى، برعكس دوى دغه بريد توجيه كوي. دغه توجيه د عيني واقعيتونو په رڼا كې په دې معنا ده چې حكومت له خپل ولس سره په جګړه كې دى.»

دې برید د هېواد په ګوټ ګوټ کې توند غبرګونونه را وپارول چې پر کندوز سربېره په پکتیا کې هم خلک د حکومت پر ضد لاریون ته راووتل.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
اقبال

د ویسا ورځپانی څخه په مننه ، چه خپل رسالت یی تر یوی کچی ترسره کړی مګر د کابل د غلامی اداری او ددی هیواد د اشغال په اړه یی معلومات کی او که بله کومه ستونزه وه ، دا چه دومره یی لیکلی هم د نورو هغو رسنیو په کچه [چه چوبه خوله او یا لا د کابل د غلامانو او بادارانو شعارونه زمزمه کوی ] د ستاینی او مننی وړ دی دا چه د کابل اداره ولی پخښنه نه غواړی او تر بخښنی هم هغه خوا د دشمنیو خبره کوی او په دغه شرمیدلی عمل ویاړنه هم کوی ، زه به څه ناڅه توضیحات ولیکم :
لمړی : دغه کړنه د کابل د غلامی اداری له خوا نه بلکه د بادارانو له خوا یی ترسره شوی هغوی ته هر مسلمان او هر افغان چه د دوی غلامی نه منی دهشتګر دی باید له منځه ولاړ شی کوجنیان څه چه حیوانات یی هم ورله نه خوښوی . د کابل غلامانو ته قومانده ورکول شوی چه تاسی یی تهمت ومنی ځکه دا دشرم ډک کار باندی د امریکا حیثیت چه ډیر لویدلی نور ونه لویږی .
دوهم : د کابل غلامه اداره خپل ژوند بقا او فنا د امریکا په بقا او فنا کی ګوری ، که طالبان وو امریکا به نه وی او که او که امریکا وه طالبان به نه وی . د کابل غلامان نه د اسلامیت پروا لری ، نه د افغانیت او نه د انسانیت پروا لری ، دری څیزونه هغوی ته مهم دی
۱ – د هغوی معاشونه ۲ ـ د هغوی مقامونه او ۳ – د هغوی د کورنی ځینی ویدیو ګانی چه باید علنی نه شی

Back to top button
1
0
Would love your thoughts, please comment.x
()
x
Close
Close