شعـــــرونه

نعتيه غزل/ عبدالقدوس فاتح

د هجـر کلي کښې اوسېږم له حبيـب لرې يم
سم په زړګي باندې زخمي يم له طبيب لرې يم

د هجرشپه څومره اوږده ده اوڅه توره شپه ده
له سپين سهاره ، هم د وَصَلْ له نصيب لرې يم

چې په يو څو خبرو وړي ټول نفرتونـه له زړو
دداسـې مينې له امـــام او له خطيـب لرې يم

ربه يا توان را ، يا دا ټولې مسافې ختمې کړه
چې بې له خنډْ اوبې له ځنډْشم وَرقريب لرې يم

څښتنه دا دمينې شور،او بل خوا داسې قسمت
يو خو عجم کې يم ، او بل يمه غريب ، لرې يم

خير که ترې لرې يم، خو وينم يې ديدن يې کوم
د زړه په سترګو، پام ونه وايې عجيب، لرې يم

ميـنه خو ميـنه ده آخـر به مې تـر داره يوسي
اوس که فاتحه له جــلاد او له صليـب لرې يم

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x