fbpx

کندهار: د ښار په زړه کې د پوستې قومندان وژل شوی

نن ټکی اسیا (یکشنبه، ۱۹وری، ۱۳۹۷ل): کندهار ښار په زړه کې پر پولیسو غلچکی برید شوی، چې د یوې پوستې قومندان يې وژلی او یو بل پولیس يې ټپي کړی دی.

افغان اسلامي اژانس له کندهاره د کره سرچینو په حواله وايي، برید نن سهار شاوخوا نهه بجې د ښار لومړۍ حوزه کې د اختر متاري زیارت ته څېرمه شوې او قومندان عبدالوهاب پکې ځای پر ځای وژل شوی دی.

قومندان عبدالوهاب د لومړۍ امنیتي حوزې اړوند د هدیرې پوستې قومنداني پر غاړه درلوده.

د سرچینې په وینا بریدګر په تېښته بریالی شوی او تر اوسه د پېښې مسوولیت هم کومې ډلې نه دی منلی.

طالبانو بیا د دې ولایت په ښورابک ولسوالۍ د سروچاهانو سیمه کې د اردو پر قرارګاه برید کړی او د یوې پوستې د نیولو دعوه يې کړې.

کندهار چې چې تر یوې لسیزې ډېر يې امنیه قومندان جنرال رازق پاتې شوی، د ولس او حکومت تر منځ پکې فاصله ورځ پر ورځ په پراخېدو ښکاري.

avatar
  ګډون وکړئ  
خبرتیا غوښتل د