د کاڼي کرښې (لمړۍ برخه) – لنډ حدیثونه

مولوی فضل ربی (کوه صافی وال)

۱. الظُّلْمُ ظُلُمَاتٌ يَوْمَ الْقِيَامَةِ. صحیح البخاري

ترجمه :ظلم د قیامت په ورځ تیارې دي (په دنیا کې ظلم په قیامت کې د تیارو سبب کیږي) .

۲.إِذَا شَرِبَ أَحَدُكُمْ فَلا يَتَنَفَّسْ فِي الانَاءِ. صحیح البخاري

ترجمه : کله چې یو د تاسې څښاک کولو نو په لوښي کې د تنفس نه کوي.

۳. لَيْسَ الْوَاصِلُ بِالْمُكَافِئِ، وَلَكِنِ الْوَاصِلُ الَّذِي إِذَا قُطِعَتْ رَحِمُهُ وَصَلَهَا. صحیح البخاري

ترجمه : د خپلولي پالونکی هغه نه دی چې بدل ورکوي (څوک چې ښه ورسره وکوي دی هم ورسره ښه کوي) د خپلولي پالونکی هغه دی چې کله یې خپلولي پرې شي هغه یې بېرته سره وتړي.

۴. اول ما يحاسب به العبد الصلاة .سنن النسائي

ترجمه : اول هغه شی چې له بنده سره به یې حساب کیږي هغه مونځ دی .

۵. مَا زَالَ يُوصِينِي جِبْرِيلُ بِالْجَارِ حَتَّى ظَنَنْتُ أَنَّهُ سَيُوَرِّثُهُ . صحیح البخاري

ترجمه : رسول الله صلی الله علیه وسلم فرمايي :ماته جبریل علیه السلام د همسایه په اړه دومره وصیت کاوه چې ما ګمان وکاوه چې د ګاونډي به دومره حق وي چې په میراث کې به شریک وي .

۶. ان أسرع الدعاء اجابة دعوة غائب لغائب . سنن ابي داود

ترجمه : بېشکه ډېره زر دعاء قبلېدونکې هغه دعاء ده چې غیر حاضر یې د غیر حاضر لپاره وکوي (د چا په غیاب کې هغه ته وکوله شي)

۷. إن الله لاينظر إلى أجسامكم ، ولا إلى صوركم ، ولكن ينظر إلى قلوبكم وأعمالكم. صحیح مسلم

ترجمه : بېشکه الله تعالی نه ګوري ستاسې بدنونو او ستاسې شکلونو ته بلکه ګوري ستاسې زړونو (نیتونو) او ستاسې عملونو ته .

۸. أَلَا إِنَّ اللَّهَ يَنْهَاكُمْ أَنْ تَحْلِفُوا بِآبَائِكُمْ. صحیح البخاري

ترجمه : خبر دار بېشکه الله تعالی تاسې لدې څخه منع کوي چې تاسې په خپلو پلرونو باندې قسم وکوئ.

۹. يَخْرُجُ مِنْ النَّارِ مَنْ قَالَ لَا إِلَهَ إِلَّا اللَّهُ وَفِي قَلْبِهِ وَزْنُ شَعِيرَةٍ مِنْ خَيْرٍ. صحیح البخاري

ترجمه : له اور نه به را ویستل کیږي هغه چې لا اله الا الله یې ویلي وي او په زړه کې یې د وربشې د دانې په اندازه باندې ایمان وي.

۱۰. من كان في حاجة اخيه ، كان الله في حاجته .صحيح البخاري

ترجمه : هغه کس چې د کوم ورور په حاجت کې وي (د چا د حاجت د پوره کولو لپاره کوښښ کوي) الله تعالی به د هغه خپل حاجتونه ورته پوره کړي .

avatar
  ګډون وکړئ  
خبرتیا غوښتل د