fbpx

غزل/ شاعر” عبدالقدوس فاتح

خود به د يـار په إشــــــارې باندې لا نه پوهيږي
چې د أشنـــا پخـې وعـــدې باندې لا نه پوهيږي

دا غلامــان شرميـږي هم نه چې پـرې فخـر کوي
که د مــــــلالې په کيــسې باندې لا نه پوهيږي

هغه عاشق نه دی چې عشق کې دردېدلی نه وي
چې لا د اوښکـو په چينــــې باندې لا نه پوهيږي

مونږ ته قلـم قلـم کـــوي خپــله ايټـــم جوړوي
ته به وا دوی په توپانچـــــې باندې لا نه پوهيږي

دا بـه نو ښۀ بيا د ولـس په غم خفـــه وګڼـــم
څوک چې تر اوسـه جنـــازې باندې لا نه پوهیږي

طالب ښه سم په إسلامي سياست پوهيږي خو که
ستا غلامي سياست وي ، دې باندې لا نه پوهيږي

هغوی به څنګه د رديــف او وزن خيــال وساتي
څوک چې « فاتحه » په قافيې باندې لا نه پوهيږي

پای.

avatar
  ګډون وکړئ  
خبرتیا غوښتل د