بلخ : د چهاربولک ولسوالۍ امنیه قومندان وژل شوی

نن ټکی اسیا (یکشنبه، ۲ غويي، ۱۳۹۷ل):د بلخ ولايت د چهاربولک ولسوالۍ امنيه قومندان ضابط خنجر د ژورو ټپونو له امله ساه ورکړې.

نوموړی د دولتي ځواکونو له هغه کاروان سره مل و چې پنځه ورځي وړاندي د عملياتو په موخه د يادي ولسوالۍ اختپه ، چهارسرکه او ثوریان سیمو ته تللی وو.

ضابط خنجر لومړی له طالبانو سره په مخامخ نښته کې ټپي شوی او وروسته يې د ژورو ټپونو له امله د شنبې په ماخستن ۱۰ بجې مهال خپل ژوند له لاسه ورکړی.

د چهاربولک ولسوالۍ دولتي سرچينې په ډاګه کوي چې په پنځه ورځنۍ جګړه کې يې دريو قومندانانو (الماس ، سرور او ضابط خنجر) ژوند له لاسه ورکړی.

طالبانو په پنځه ورځنۍ جګړه کې د ۱۳ تنه اربکيانو او عسکرو وژل منلي او زیاتوي چې دا مهال په سيمه کې د دوی له لوري تصفيوي عمليات روان دي.

 

avatar
  ګډون وکړئ  
خبرتیا غوښتل د