حکمتیار د ناټو د ملکي استازي سره لیدلي دي

نن ټکی اسیا (یکشنبه، ۲ غويي، ۱۳۹۷ل): د حزب اسلامي مشر ګلبدین حکمتیار په کابل کې د ناټو د ملکي استازي سره لیدلي او پر راتلونکو پارلماني ټاکنو یې ورسره خبرې کړي دي.

د حزب اسلامي د فرهنګي چارو ریاست پر فیسبوک پاڼه د حزب اسلامي او د ناټو ملکي استازي کورنیلیوس زمیرمن انځور نشر شوی او په کښي ویل شوي چې دواړو تېره ورځ شنبه د حکمتیار د کار په دفتر کې سره ولیدل.

په خبرپاڼه کې ویل شوي چې دواړو لورو د سولې د ټینګښت د لارو چارو په اړه د خبرو تر څنګ د راتلونکو پارلماني ټاکنو او په ټاکنو کې د سیاسي ګوندونو د رول په هکله تفصیلي خبرې وکړې.

په خبرپاڼه کې د دواړو لورو تر منځ د تفصیلي خبرو څرنګوالی نه دی په ډاګه شوی خو ددې تر مخه د حکمتیار په حواله د حزب اسلامي فرهنګي چارو رایاست ویلي وه چې په حکومت کې دننه ځیني کړۍ او سفارتونه د تېر ځل په څېر ټاکنې غواړي، او په وینا یې دغه جهتونه غواړي چې په افغانستان کې شفافې او رڼې ټاکنې ونه شي، بلکې دوی غواړي چې دلته جګړه دوام ولري او یو بل جان کیري راشي او د ټاکنو برخلیک وټاکي.

باید وویل شي چې د ټاکنو لپاره د یوې اونۍ راهیسي د پیل شوي نوم لیکنې بهیر د امنیتي ګواښونو سربېره د ولسي عدم دلچسپۍ سره مخ دی چې له امله یې دغه بهیر ټکنی شوی او اندېښنې یې را پارولي دي.

4 تبصرې

  1. په دی خبر کی یوه نیمګړتیا شتون لری لیکل شوی چه د حزب مشر د ناتو استاذی ته ورغلی، مګر تصویر کی د حزب د مشر د بنګلی مزی دیوالونه داسی شیوی چه د ناتو استاذی د حزب یا داعشی ملیشو مشر ته ورغلی دی.
    عادی حالاتو کی خو باید غلامان د بادارانو په خدمت کی حاضر شی مګر کله باداران هم د دستور او قوماندی په خاطر غلامانو ته ورځی.
    خبر کی بله نیمګړتیا یا زیر کاسه نیم کاسه دا اړیکو موضع پکی د تآکنو په اړه یاده شوی، په داسی حال کی چه اشغلګر هڅه لری دا هیواد هیوادوالو او نړیوالو ته خبلواک معرفی کړی نو ټاکنو کی د ناتو د استاذی ننوتل او هغه هم د حزب سره غیر مترقبه او د عادت خلاف ښکاری یعنی دوی جه څومره خپل اشغال پټوی هغومره بربنډیږی ، باید بله کومه خبره یی یاده کړی وی .
    فکر کوم حزب کومه حکومتی دنده نه لری نو د تاکنو خبره د ګلبدین سره یادول بیمورده دی ګلیدین په ټاکنو کی بی له دی چه خپل کوم هلال معرفی کړی نور څه موثریت نه لری ، د دی اړیکو اصلی موضع د افغانستان د راتلونکی ستراتيزی کی حزب ( د جنوب د داعشی ملیشو ) مشر ته ونډه او د نده ورسپاری چه څه ورکوی او څه به تری اخلی .

  2. يعني دناټومشاورتی استازی دملکی استازی سرہ

  3. د زمري په څرمن کې پټ ګیدړ په خپل اذلي انحراف کې تر سیاف او رباني او مسعود او مزاري هم سبقت کوونکی بریښي.

    ملت سره خو یې هسې هم سترګې نه لګیژي خو حیران ودې ته یم چې د خپل ورور کونډې او میرمنې ته به په کومو سترګو ګوري او څه اوت او بوت درواغ به ورته وایي !!

  4. حکومتیار خو به منی خلکو ۰دی پوه دی چی تیرو انتخاباتو کی یی دده کاندید حلال ته چا رایه ورنکړه۰ نتیجه یی ناکامه وه ۰ نو ځکه یی دا ځلی تصمیم ونیوو چی دا قدرت باید له ناټو مستقیم وغواړم دومره غورځو پرځو ته څه حاجت دی۰ لکه ریاضی کی یوه فارموله ده وایی چی دجمعی لنډی طریقی ته ضرب وایی۰ نو بنا پر دی قدرت ته درسیدو لنډه طریقی ته دناټو او امریکایانو سره موافقه وایی ۰ که داسی نه وی نو بیا انتخابات دافغانانو دناټو دمشر سره په دی هکله دګلبدین دخبرو ضرورت څه دی؟ که ګلبدین ملک تسخیر نه بولی نو بیا دڅه لپاره دسولی اړوند او دانتخاباتو اړوند خبری له ناټو سره وشی پکاره وه چی دا خبری دحکومت سره شوی وای ۰او که وایی چی نه وطن مو تسخیر دی۰ بیا دکوم دلیل له مخی ګلبدینه خپلو خبرو کی تکرار تکرار وایی چی دا جنک دافغانستان هیڅ توجیه نلری ؟ نه پوهیږم چی دا خلک پیریان غږوی اوکه دا دملت خلکو ته تر ځانه هم دبی عقلو په سترګه ګوری ۰دجهاد حیثیت مو خرابه کړ الله رب الجلیل مو دنیا او اخرت تباه کړه

تبصره وکړه

ستاسو ایمیل ادرس به هیڅ کله نشر نه شي.