نړۍ

سعودي: د بس په ټکر کې څلور برتانوي عمریان مړه او ۱۲ نور ټپيان شوي دي

نن ټکی اسیا (دوشنبه، ۳ غويي، ۱۳۹۷ل): په مکه مکرمه کې د یوه بس او د تیلو د ټانکر تر منځ د ټکر له امله ۴ تنه مړه او ۱۲ تنه نور ټپیان شوي دي.

د فرانس پریس خبري اژانس د راپور سره سم پېښه د مکې مکرمې په الاخلاص ټاون کې هغه وخت را منځته شوه کله چې د عمرې زایرینو موټر حرم شریف ته روان وو.

ویل کیږي چې په مسافر وړونکي بس موټر کې ۱۷ برتانوي زایرین وه چې د هغو څخه یې ۴ تنه مړه شوي او ۱۲ یې ټپیان شوي دي.

په سعودي کې د برتانیې سفارت ویلي چې دوی د خپل بهرنیو چارو وزارت سره په اړیکه کې دي تر څو د قربانيانو د کورنیو لپاره ژر تر ژره سعودي ته د تګ زمینه برابره کړي او هغوی د خپلو ټپي شویو مسافرو سره یو ځای کړي.

باید وویل چې تېر کال ۲۰۱۷ په جنوري میاشت کې هم د یوې ترافیکي پيښې له امله ۶ برتانویان وژل شوي وه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x