fbpx

د ګني جوس یو شمېر حیرانوونکې ګټې

نن ټکی اسیا (سه شنبه، ۴ غويي، ۱۳۹۷ل): د موسم په بدلېدو سره باید انسان خپل خواړه هم بدل کړي، او د داسې خوړو استعمال وکړي چې هم د موسم سره سم وي او هم روغتیا ته ګټه ورسوي.

ګنی یو له موسمي مېوو څخه شمېرل کیږي، د خوند ترڅنګ روغتیایي ګټې هم لري، ځکه چې دا د یو شمېر غذایي موادو څخه برخمن دی.

په اسيايي هېوادونو کې ګنی نه يوازې له مالي پلوه بلکې د روغتيايي چارو په برخه کې هم ډېر زيات ګټور تماميدی شي، د جوس ترڅنګ همداسې د ګنډیری په شکل هم څښل/خوړل کیږي..

دلته د ګني جوس یو شمېر ګټې وړاندې کوو:

  1. ګنی د انسان بدن ته قوت ورکوي، او د ګرمۍ په موسم کې بدن یخ ساتي.
  2. په ګرمۍ کې د ګني شربت (جوس) څښل ځیګر ته وده ورکوي، او انسان د خیټې ناروغیو څخه ژغوري.
  3. د ګني شربت د سينې سرطان او د انسان د بدن غړو ته د مقاومت ځواک ورکوي.
  4. په ګني کې کلسیم، میګنیشیم، پوټاشیم او د وسپنې ډېره اندازه پرته ده، له همدې لامله دې ته د سرطان ناروغۍ مخنیوي طبیعي درمل هم ویل کیږي.
  5. د شکر ناروغۍ لپاره د ګني جوس هم بې اندازې ګټور دی، ددې په طبیعي خوږوالي کې هغه ماده کمه موندل کیږي چې د شکر ناروغۍ ګواښ زیاتوي، همدا لامل دی چې په وینه کې د ګلوکوز اندازه مناسبه ساتي.
  6. د ګني جوس د پښتورګو (ګردو) لپاره هم ګټور دی، بیلابېلو څیړنو دا څرګنده کړې چې ددې په خوږوالي کې د نورو خوږو په پرتله کولیسترول، سودیم کمه اندازه موندل کیږي، همدا لامل دی چې پر پښتورګو ښه اغیز کوي.
  7. د ګني جوس د کوچنیانو هډوکو ټینګښت ته قوت ورکوي، په دې کې موجود کلسیم او تيز قدرت لرونکي مواد د بدن هډوکي او غاښونو کلک ساتلو کې مرسته کوي.
  8. د ګني جوس یوازې د بدن داخل ته ګټې نه ورکوي، بلکه د څښلو سره یې غاښونه له چینجنېدو ژغوري او د ساه اخیستلو پر وخت د خولې بدبويي ختموي.
  9. همدا ډول ګنی د نيم سيري، د ستوني خارښت او زکام لپاره هم يوه ډېره ګټوره کورنۍ درملنه ګڼل کیږي.
avatar
  ګډون وکړئ  
خبرتیا غوښتل د