رسول الله صلی الله علیه وسلم د غیر مسلمانانو په آند (۱۰٢برخه)

لیکنه او څېړنه: عبدالغفار جُبیر

د ای بي سي نيوز (ABCNEWS) څرګندونې د اسلام په هکله:

تر یوه بیلیون زیات خلک مسلمانان دي، اسلام په ټوله نړۍ کې هغه دین دي چې په تیزۍ سره دخپرېدو په حال کې دی.

نيوز ډای (NEWSDAY) د اسلام په هکله ليکي:

اسلام د هر هیواد په ټولو مذهبونو کې تیز خپرېدونکی دین دی.

نړيواله وتلې ورځپاڼه نيويارک ټايمز (NEW YORK TIMES) د اسلام په هکله څه نظر ورکوي؟

په امریکا کې د اسلام دین تر نورو ټولو مذهبونو څخه په تیزۍ سره خپرېدونکی دی .

این بیزیت (Anne Bizint) د نبي کریم صلی الله علیه وسلم په هکله وایي:

دا د یوه کس لپاره ډېره مشکله ده چې د نبي کریم صلی الله علیه وسلم اخلاق او ژوند وڅیړي، ده څنګه خلک پوه کول؟ دا یو ستر نبي ؤ، د خدای د رسولانو یو ستر رسول ؤ، دی د عربو له قوم څخه ؤ او د عربو یو ستر انسان ؤ. اخلاق او کړه وړه یې دومره لوړ دي چې زما په شان انسانان ورباندې لیکل نشي کولای.

لیف تولستوی ( Lev Tolstoy )

د نبي کریم صلی الله علیه وسلم په هکله وايي:

د نبي کریم صلی الله علیه وسلم لپاره دا کفایت کوي چې د یوه ذلیله، وینه تویونکی، بد، ناوړه قوم او خلکوڅخه یې یوه ښکلې ټولنه جوړه کړه، دوی ته یې ترقي او پرمختګ ورکړ، دا صحرایي وحشي قوم د محمد صلی الله پر شریعت باندې سم شو، دوی پر داسې قانون باندې منسجم شول چې له عقل او حکمت څخه ډک ؤ.

زه دې پایلو ته رسیدلی یم چې ټول بشریت اسماني حق دین ته اړتیا لري، ترڅو باطل له منځه ولاړ شي. زه پر دې کتاب باندې داسې عقیده لرم؛ لکه یو مسلمان چې یې لري.

د فلکیاتو مشهور عالم جیمز جینس، دقرآن کریم د لاندې آیت په اړه داسې وايي:

یو مسلمان عالم د سورت فاطر (۲۸) آیت، (إِنَّمَا يَخْشَى اللَّهَ مِنْ عِبَادِهِ الْعُلَمَاءُ إِنَّ اللَّهَ عَزِيزٌ غَفُورٌ) تلاوت کړ او ښاغلي جیمز جینس واوریده، نو ویې ویل: که چیرې دا آیت په قرآن کریم کې شتون ولري؛ نو زه شاهدي ورکوم چې دا کتاب د الله له لورې وحې او نازل شوی دی.

ډاکتر شبــــــــــــــرک اسټرین د نبي کریم صلی الله علیه وسلم په هکله وايي:

ټول بشریت باید د حضرت محمد صلی الله علیه وسلم په شتون باندې وویاړي، چې په لږه موده کې یې تشریعي قوانین بشپړ کړل، په حقیقت کې موږ اروپایان په دې باندي ډېر خوښ یو، چې داسې کس هم د انسانانو له جملې څخه دی.

نور بيا

avatar
  ګډون وکړئ  
خبرتیا غوښتل د