نجیب الله

لیکونکی: زاهد خلیلي

نجیب د کابل طب پوهنتون د نسايي ولادي څانګې نه فارغ شوی و. ښه پوخ پرچمي او ورسره پښتني احساسات يې درلودل.

د چپي ايډيالوژۍ او سیاسي فعالیتونو لرلو له امله څو ځل بندي شوی. بیا چې د خلقي امین په مشرۍ پوځ راپاڅېد؛ نو دی په کې تهران ته سفیر ولېږل شو او امین چې د پرچميانو په شړلو پېل وکړ؛ نو نجیب له تهرانه یوګوسلاویا ته وتښتېده او د سفارت له خزانې يې سل زره ډالر هم له ځان سره یوړل.

له کارمل او نورو پرچمیانو سره یو ځای د شوروي پر ټانکونو سپور کابل ته راننوت. ورپسې د خاد استخباراتي ادارې رییس شو، دا چې څوک، څنګه او څومره يې وژلي، تاریخ خوندي کړي.

دا چې دی ولې شورویانو د حکومت مشر په توګه غوره کړ، لامل يې د ګورباچوف هغه پلان و، چې غوښتل يې پوځ له افغانستانه وباسي ځکه (انقلاب ضد او امپریالېزم افغانستان د ناسور په زخم بدل کړی و). د پوهاند کاکړ په وینا، شورویانو کارمل ته ویلي وو چې افغانستان کې انقلابي بنسټ نه شته، ته د افغانانو د اسلامي ارزښت درناوی وکړه، مخالفانو سره واک ووېشه او یاغیانو سره جوړه وکړه؛ خو کارمل نه منله او د شوروي پوځ پاتې کېدل يې غوښتل. کې،جي، بي نجیب ځکه د کارمل پر ځای غوره کړ چې د شورویانو نوی پروګرام يې منلی و او مهمه لا دا چې خاد د نجیب په وخت کې داسې و، لکه د کې، جي، بي کومه څانګه چې وي (بندي کول، ترور، وژل، کړول).

پوهاند کاکړ زیاتوي، نجیب د رجیم (رژيم) په سروال کېدلو سره د ګورباچوف او شیواردنازي په سپارښتنه یو لړ سمونونه پېل کړل. مثلاً، هغه کمونیستي تمرینونه يې چې د خلقي رجیم او کارمل په وخت کې کول، پرې يې ښودل. ځان يې مسلمان وښود او د جومې لمونځونه يې په پل خیشتي کې اداء کول شروع کړل.

شورویانو د ده له راتګ وړاندې د پوځ په ایستلو فکر پېل کړی و. د ژینو خبرې هم روانې وې. کله چې يې ولیدل، نور به یې شورویان ملا و نه تړي؛ نو د ملي روغې جوړې کړنلاره يې د ۱۹۸۷ په جنورۍ کې اعلان کړه. جنرال لیاخوفسکي وايي، خلکو يې په خبره ځکه شک کاوه چې له دې وړاندې دوی یوزاې د زور نارې وهلې.

بیا چې کابل ته ملېشې ننوتې او کابل د سقوط په درشل کې و؛ نو له وطنه د تېښتې له پاره يې له اسلام اباده بینین سېوان راوغوښت. ډېر ګومان دادی چې نجیب به هند د تلو اراده درلوده، څو له خپلې کورنۍ سره یو ځای شي.

د نجیب ملاتړي

د نجیب ملاتړي څوک دي. ما چې څومره کتلي، درې ډوله خلک يې ملاتړ کوي.

لومړی، هغه چې فکري-ګوندي ملګري يې پاتې شوي یا د دوی د کورنۍ غړي دي. دویم یې هغه کسان دي چې د هېواد وروستۍ پېښې يې نه دي مطالعه کړي، خو په یوټيوب او ټولنیزو شبکو کې د نجیب لاس په لاس کېدونکې ويډيو ګانې ګوري چې نجیب په کې (ملي خبرې) کوي او دا د هغه وخت خبرې دي چې نجیب او حکومت يې نور د یوازېتوب او د سقوط په لور چټک ګامونه اخلي. دوی یوازې په همدې خبرو بسنه کوي.

درېيمه ډله يې ما چې ليدلي زیاتره يې خپل قومیان (احمدزیان) یا د همغه سمت پښتانه دي. دا خبره د مشاهدې له مخې کوم.

دا چې چا وواژه، په دې اړه ډېرې خبرې شته او ډېر لیکل پرې شوي. خو دا خبره، چې ډېره مشهوره ده او ځینې يې د واقعیت په توګه مني، بلکل ناسمه ده چې نجیب جي ایج کيو (پنډۍ) ته وړل شوی او هلته د ډیورنډ د نه لاسلیکولو له امله ووژل شو او بیا اریانا څلور لاره کې را وځړول شو.

ملا ضعیف په خپل وروستي کتاب کې مني چې نجیب د افغان طالبانو د وسله والو کسانو له لوري وژل شوی.

و من الله التوفیق.

19 تبصرې

  1. د نجیب ژوندي پاته کېدل د جهادي رهبرانو په تندي تور داغ وو، طالبانو د خپل ولس د ډېرو هیلو څخه دا یوه هیله سل په سلو کې پوره کړه، خو حاسدو او فاسدو او بلکواکو رهبرانو یې قدرداني ونکړه.

    شاباس دې په طالبانو وي چې د نجیب د اعدام فیصله یې کړې وه، شاباس دې په هغو مبارکو لاسونو وي چې د ملت دا لوی قاتل یې په دار کړ!
    هغه ورځ کمونستان داسې وو لکه ټول چې مړه وي او د شهیدانو وارثین داسې خوښ او زړونه یې یخ وو لکه شهید خپلوان یې چې راژوندي شوي وي.

    دا خبره چې وایي پاکستان وواژه، منل یې هسې د غولو خوراک دی !

  2. بخښنه غواړم، د سفارت په خرانه کې سل زره ډالره نه وي. ځکه د سفارت معاشونه هم د مرکز څخه اجرا کېږي. وایي چې : دروغ وایه خو په شرع یې روغ وایه.

    • هارون صاحب

      نجیب به 100 زره ډالر وړي وي یانه خو د لسګونو زرو ځوانانو او کدرونو څخه یې ژوند اخستی، نو پس کوم سرنوشت سره چې نجیب مخ شو همدا د عدل تقاضا وه.

      په دې هیله چې اشرف غني، ګلبدین، کرزی، عبدالله، دوستم، سیاف، کشاف، رازق، قانوني، عطا نور، او شریکانو سره یې هم د عدل له تقاضاوو سره سم چلند وشي.

      • چې دا تاسو وئ او دا ډول مو ذهنیت وي، نو ټول کړه وړه به مو د پښنتو د دښمن په ګټه تمامېږي. په دې پوهېږئ چې ملا محمد عمر اخوند چېرته، څه ډول او چا وواژه؟ د نورو څخه بې زده کړئ، چي نه پکښې خلقي شته، نه ټرچمي شته، نه اخوانی شته او نه هم طالب شته. ټول سره یو دي او ستاسو غوندې خلکو د شتون له برکته پښتانه ورځ تر بلې د بدبختۍ کندې ته ورغورځي.

  3. د ګران ورور زاهد خلیلی صاحب څخه په مننی سره، که اجازه وی یوه بله ډله به هم د نجیب پر خواخوږو ورزیاته کړم، دا ډله هغه کسان وه کوم چه چندان مؤمن حزبیان نه وه خو د نجیب په وخت کی ئې تقریباً لوړ منصبونه تر لاسه کړه، ددې منصبونو د خوږوالی دوام ډېر لنډ ؤ خو د لاسه ورکول ئې هغوی ته د لوی حسرت او یا ووایو لوی مصیبت لامل شو.
    هارون صاحب!
    شاید د سفارت سل زره ډالره او غلا ئې صحت ونلری خو دا به ددې معنی ونلری چه نجیب یو نجیب کس ؤ. نجیب یو عیار مارکسیسټ ؤ البته د ټولو خلقیانو او پرچمیانو په ګډون.
    هغوی د شوروی ګټو ته ډېر وفادار وه نسبت د خپل وطن ګټو ته.
    هغوی ته شوروی کمونسټ ګوند ډېر قداست درلود نو پدې خاطر د ځان او ثور تقدس ئې د شوروی په تقدس کی لټاوه.
    که د خلګو مقاومت او د غرب ملاتړ نه وای او ثور ( غوئي) خپل سر ته ایله شوی وای نو زموږ د وطن د تاریخ او جغرافئې ځمکه یا مځکه به ئې بده غوبل کړې وای چه متأسفانه د نن او پرون ورځی بد حالت هم ددې یاغی غوائي( خلقی- پرچمی) د لغتو او یاغیتوب نتیجه ده.
    د زاهد خلیلی ورور دا خبره د ډېری خواشینۍ وړ ده چه نن ورځ د نجیب ګَو د طرفدارانو له ډلی څخه یو هم د نجیب قومیان دی، که دا خبره سمه وی نو:
    ( اُف لکم و لما تعبدون من دون الله افلا تعقلون).
    کاشکی زموږ خلګو د خپلو ښو او تاریخی قومی یا قومیانو ستاینه کولای نه تاریخ ځپلو قومیانو. اصلاً قوم پرستی د شیطان خاصه ده.
    زه پوهېږم چه هم خلقی هم پرچمی هم طالب هم ستمئ هم افغان ملتئ زما څخه سخته کرکه لری او د یو چرګ د کیڼی پښې د ګوتو په شمېر فکری انډیوالان نلرم خو دا یوه پوښتنه همیشه د نجیب د خواخوږو په وړاندی جدّاً مطرح کوم چه البته فکر نه کوم د ځواب توان ئې ولری:
    ګوری، تره کی هم ووژل شو پداسی حال کی چه د ګوند رهبر ؤ
    امین هم ووژل شو پداسی حال کی چه د ګوند مرستیال او رهبر ؤ
    ببرک هم په تحقیر آمیزه توګه خلع او تبعید شو پداسی حال کی چه د ګوند رهبر ؤ
    نجیب هم ووژل شو پداسی حال کی چه د حزب یو تکړه تئوریسن او رهبر ؤ
    که خبره په حزبی او ګوندی خواخوږی کی وی نو بیا ولی پر هغه نورو درو غوایانو د ارمان اوښکی نه توئېږی چه یوازی پر نجیب توئېږی؟
    او که خبره په غیر حزبی او ملی انګېزه وی ( یعنی وویل شی چه نه، نجیب حزب ته نه بلکه ټول ؤلس ته خدمت کاوه) نو د نجیب هغه توره کارنامه به څنګه پاکه شی کومه چه د حزب د یو مهم او امنیتی غړی په توګه ئې د بې ګناه انسانانو وینی بهیولی وې؟
    سړئ نه پوهیږی چه د چا د لاسه چاته وژاړی.

    • غ حضرت صاحب

      ما تاسو تع پخوا هم لیکلی وو چې د ملحد او جنایتکار نجیب په اړه شریک موقف لرو او همدا د غنیمت وړ خبره ده.

      تاسو متاسفانه لکه اوبو وړی بند داسې یاست په نورو مواردو کې داسې ګډوډ او بې باکه نظر ورکوی چې سړی حیران شي کومه کنده مو راټینګه کړي.

      زه تاسو ته د وروری یوه توصیه لرم هغه دا چې طالب ته د ډلې یا تنظیم په سترګه مه ګوری او مه حسد او کینه ورسره ساتی شاید چئ خدای ج مو مل او د اجر وړ وګرزوي، زما له نظره طالب زمونږ د وولس دوهم نوم دی نو پس د خپل وولس قدر وکړی.

  4. الجاج استاذ بیانزی

    غوربندی صاحب !
    زه او زما په شان په میلونو د افغانستان ټول مظلوم او مجاهد اولس ستاسی د کوچنی مګر ډیری وزینی او په حقایقو ولاړه لیکنی مننه او ستاینه کوم ، ستاسی خبری د ټول مسلمان ملت او مجاهد اولس خبری دی . د نجیب وژل د دوه میلونو شهیدانو د وینو غچ اخستل او یا یی د ورثه وو په زړه ملهم کیښودل وو . نجیب د کمونستی وحشت اخرنی نښه او اخری خبیثه بقایا وه کمونیزم لکه د سرطان ناروغی وه که یوه کوچنی غوټه یی هم بدن کی پاتی شی بیا سرایت کوی نو که نجیب ژوندی پاتی شوی وی د وروسته وخت د پاره به نه یواځی روسانو پلکه امریکایانو به له هغه کار اخست لکه اوس چه یی هماغه د نجیب د اکا زامنو ( غنی ، اتمر ، ستانکزی ، علومی او داسی نور ) څخه کار اخستی او اخلی .
    د لیکونکی لید لوری د هغه له لیکنی معلومیږی چه هغه یو پشتون نشنلست دی ، نشناستانو ته د لویدیز دجال له خوا دنده ورکړی شوی چه چا هر څه ویل غوږ پسی مه ګرځوی تاسی دنده د ډیورند د خیالی کرشی یادول دی روسان مات شوی مونږ تاسی ته معاشونه او مقامونه درکوو ، په داسی حال کی چه پاکستان هم د لویدیز استعمار محکښانو ( انګریزانو ) له خوا جوړ شوی او پخه مستعمره ده یعنی پشتونخوا اوس هم د انګریزانو د پاکستانی خاوری یوه برخه ده ، له پاکستانه د پشتونخوا جلا کول د پاکستان ورانولو معنی لری یعنی د انګریزانو مستعمره ورانیږی کوم چه انګریزان دافغانستان د مستعمره کولو پسی هم راغلی چه د پاکستان سره یی یوځای کړی . مګر په ظاهره د افغانستان د خلکو پام د ډیورند په یادونه له اوسنی اشغال د پاکستان اشغال ته اړوی .
    د لیکونکی تر نیمایی زیاتی خبری سمی مګر سرطانی غوټی یی پکی اخره کی پرانستی دی

    • بیانزی صاحب،ته او غوربندی دټولو مسلمانانو او مجاهد ولس نماینده ګان نه یی .د چه تبصره لیکی د دستاسو شخصی نظر دی.تاسو دټول افغان ملت،مظلوم ولس.مسلمان امت،په نماینده ګی دهیڅ شی ادعا حق نه لری چه وی لیکی،او که دا ادعا کوی خلک در پوری خاندی.او افغان ملت،مظلوم ملت ،مسلمان امت دا پوښتنه کوی ،چی غوربندی،او بیانزی چا زمونږ نماینده ګان ټاکلی دی،لږ مو تبصری ته پاملرنه کوی.تبصری مو خپل حق دی.خو دا د مظلوم ملت،افغان ملت ،مسلمان ملت ،نماینده ګی چا در کړی ده.وایی وو یی په کلی کی نه پریښود،او هغه کالی له ملک سره امانت ایښودل،

      • ځدران صاحب
        زه د ټولو حق پلوو پلوی یم او د ټولو باطلو بر ضد یم
        تاسو ته هم د همداسې یو موقف توصیه کوم
        منافقت لویه بې غیرتي ده
        یا د حق پلوی اوسه
        کنه نو بیا د باطل په ډاګیز پلویتوب هم مه شرمیږه

  5. دا فاسد بیا او بیا میدان ته راځي ا، وخبرې خو د ټولو خلقي او پر چمي تیوریسنانو ښې زده وې چې اولس
    او انسانان یې غلول ، دې فاسد لاندي عملونه کړي دي :

    ـ د کمونیست دګوند غړی هغوی په خدای پاک عقیده نلرله او نجیب هم نلرله !
    ـ بد اخلاقه شرابي د اناهیتا په لور یې د مازدیګر له خوا په خپل صنف کې تیری وکړ بیا چا نکوله خو د ببرک ورور
    ورسره واده وکه !
    ـ دخاد ریاست ، په زرګونو مسلمانان یې تر لغتو لاندي ووژل او شکنجه یې کړل !

    ـ کله چې روسان په وتلو شول او و پوهیدل چې نور ه یې ماتې خوړلې ده خپل ګوډاګی کارغل منافق یې لرې که
    او دا لنډغر بد ماش یې په قدرت را ؤ ست !

    ـ کله چې دا منافق شرابخور، کافر ، ماتریالیست پوه شه چې اخر وخت یې راغلی نو په درواغو یې قران شریف
    په لاس کې واخیست او اولس یې غلطاؤ چې یانی دی نجیب خو مسلمان دی .

    دده دې مخ تور شي خلک او اولس یې غلول او نالت پر دې رزیل ، ښه شوه چې طالبانو وروڼو ښه جزا ورته ورکړه !!

    چې څه کرې هغه به ریبې!!

  6. د توبی دروازه تر اوسه پوری بنده شوی نه ده،که چیری اخر وخت کی نجیب توبه کړی وی او الله ج هغه قبوله کړی وی نو بیا؟مجاهدینو صدام حسین هم کمونست باله،او قدافی همدا اخوانیانو کمونست ګاڼه،د زړونو په رازونو یو الله ج ښه پوهیږی.هسی ټاپی په چا مه لګوی.خیانت .قتل.، چا ونه کړ؟طالیبانو له له مجاهیدینو څخه ور واوړاوله او مجاهدینو له خلقیانو،فقط په کابل کی یی دوه شپته زره خلک .ګلو او مسعود ،څټ کړل.زما په فکر د نجیب،ګلو،ربانی،او دا دنورو کوم فرق نشته،ټول قاتلان.او ټول پردی مزدوران وه ،

  7. الجاج استاذ بیانزی

    ځدران صاحب !
    مونږ دا دعوی نه ده کړی چه مونږ د ټول ملت له خوا وکیلان ټاکل شوی یو ، تاسی که دا جمله وموندله مونږ ملامت . مګر دا خامخا ویلای شو چه د حق او باطل پلویان په نظر او عمل کی د خپلو پلویانو هم دفاع او هم نمایندګی کوی.
    د حق او د باطل د پلویانو یو توپیر سره شته ، هغه دا چه :
    د حق پلویان ( د اسلام او جهاد پلویان ) ځانونه نه پټوی وایی چه مونږ مسلمانان د کابل د غلامانو او بادارانو مخالف یو او د کابل غلامانو او بادارانو ټوله یا زیاته برخی رسنی په لاس یا واک کی دی یعنی رسنی او باڼی یی خپلی او هغه چه خپلی یی نه دی د هغو رسنیو چلونکو ته رشوت ورکوی چه د دوی په خوښه تبلیغات وکړی او یوه نیمه لکه د نن ټکی اسیا بیطرفه او خپلواکه پاڼی ته بیا دوه دری کسان رالیږی چه اسلامی لیکنی کمرنګه او بدخونده کړی .
    ټول اولس مسلمان دی ، دوی که ځآنونه په اصلی نوم او کیفیت کی وښیوی چه زه کمونست ، نشنلست او سکورلیست یم بیا خو یی اولس نه یواځی په شیطانی افواهاتو نه تیروځی حتی دشمنان یی بولی . نو دغه د رسنیو وایروسونه تل هڅه کوی چه ځانونه ښه مسلمانان وانمود کړی او له اسلامی زاویو اسلامی لیکنی کم خونده کړی
    ځدران صاحب چه خبلی باطلی خبری په خلکو منی او هغه هم د خلکو په نمیایندګی معرفی کوی خیر مګر که مونږ د حق پلویانو په پلوۍ کوم څه لیکو مونږ حتی د حق ویلو او د خلکو د نمایندګی حق نه لرو .

    • بیانزی صاحب،دا څرنګه دفاع ده،؟طالیبان دلته امریکایان په ډیر مشکلاتو سره زخمی کړی،او تاسو یی دلته امریکا کی نرسنګ، او تریتمېنت په خپلو بچیانو کوی.

  8. یارانو پې دې خلقی هسې عبس وخت مه ضایع کوﺉ د خپلې تبصرې په مخ وړﺉ کنه نو په بحث کړلو کې به دا خپلې تبصرې راڅخه پاتې وی دا ټول هیواد ته معلوم ده دا خبیث څومره جنایتکار و

  9. غوربند صاحب ته (غ.حضرت) سم نه پېژنې خو زه يې پېژنم
    دا د صحيح حديثو څخه منکر اوپه صحابوو تهمت ويونکى ده
    غ حضرت ما تاته جواب ليکلى وو خو متاسفانه ته ورک شوې
    جواب
    ته غ.حضرت
    ستر جرم کوېاو بيا وايي چې دا کوچنۍ مسئلې دي زه احساساتي شوى نه يم ما چې څه تاته ليکي يا يې ليکم نو د پوره تحقیق څخه وروسته (البته ستاپه شانته نه)
    او داسې هم نه ده چې ماپه دغه ميدان(علوم حدیث) کې تعليم او تعلم نه ده کړى بلکې الحمدلله رب العالمين دا احسان هم را باندې کړى ده
    نو من حيث يو عالم دا زما فريضه ده چې د صحيح حديثو څخه دفاع وکړم او خپل مسلمانان وروڼه د دښمن
    له انحرافاتو او شکونو چې د اسلام په مبين دين کي يې پيداکوي خبر کړم
    ما دا نه دي ویلي چې ته له ټولو حديثونو څخه منکر يې او منکر کيداي هم نه شي ځکه له ټولو حديثونو څخه انکار دا مستلزم ده انکار دقران کريم ده ځکه په حديثو سره ثابت شوى ده چى قرآن کريم دالله ج کتاب ده او هغه ستا مثال به هغه وخت صحيح کيداى شى چى ماپه نوم حديث (هغه که صحيح حديثونو دي يا غيرصحيح باموضوعى حديثونه دي) دفاع کوله بلکه ماله تاسره د صحيح حديثونو اوهغو دوو صحيح حديثونه په سر خبره وه چې د بخارى اومسلم دي اونه يوازي بخارى اومسلم بلکه نورو دحديثو معتمد کتابونوهم رانقل کړي دي او ته غ خضرت دهغو دصحت څخه انکارکوې(البته دعقل په اساس) اودا ستاسو او فرقي باطلوو (روافض شیعه….) اختراع ده که ستا اختراع نشى نو د رسول الله ص د زمانې څخه بيا تر ننه چى په زرګونو او لکونو محدثين تيرشوي دي يو محدث نه ورباندې رد کړى او نه يې هم دصحت څخه انکار کړى او ته غ حضرت يوازنى کس يې چى ددغو دوو صحيح حديثونو څخه انکار کوې (البته دعقل به اساس) ځکه روافض هغه ټول حديثونه چى دعقل خلاف وى نه منى لکه دعذاب قبرمتعلق داعمالو وزن دقيامت په ورځ او داسي نور
    نو رښتينو مسلمانانو ورڼو!!!
    دحديثو دصحت اونه صحت (داچى په رشتیا درسول الله ص خبره ده اوکه نده) محدثینو کرامو د دې لپاره داسى اصول ايښي دي چى هم شرعى اوهم عقل ته دمنلو وړ دي په دى لاره کى يې بې سارى خدمتونه کړي دي او د ډير احتياط څخه يې کار اخیستى ده په پوره ايماندارۍ، اخلاص، صداقت، امانتدارۍ او تقوى سره يې نه ستړي کېدونکي خدمتونه کړي دي چى په رانقلولو سره به يې جلدونه کتابونه ولیکل شي او تا چى د أحاديثو دصحت اونه صحت لپاره يوازى عقل معيار ګرځولى ده دا ستا له خپل ځانه جوړکړي أصول دي اوپه دي میدان کې فرق باطله هم درسره دي که داسى نه وى نو ته دعلما حق (أهل السنت والجماعت) د يو څو محدثینو اقوال وړاندي کړه؟ چى ستانظرتائيده وي کوم حديث چى دعثمان رض د حيات په باره کى وو او صحيح حديث ده له هغه حديث څخه خو د عثمان رضي الله عنه په رسول الله صلى الله عليه وسلم فضيلت نه ثابتیږي بلکي دعثمان رضي الله عنه دحياﺀ سره درسول صلى لله عليه وسلم د حياﺀ إثبات هم کيږى ” فقال الا استحيي من رجل تستحي منه الملائكة”
    اوکه بالفرض فضيلت ثابت شى نوهم جزى فضيلت به وي اوڅنګه به زه ستر جرم ورته ونه وایم چى تا (غ حضرت) خو اول ويل چى دا اکثره حديثو نه اموى اوعباسى خلیفه ګانو دخپل مصلحت لپاره جوړکړي وو او اوس يو څو قدمه نورهم وړاندى ولاړي او درسول الله صلى الله عليه وسلم دمدرسې په شاګردانو صحابه کرامو رضي الله عنهم ) باندى دي تهمت پوري کړ او حال دا چې چى د امت د علماوو په دي خبره اجماع ده “الصحابةرضي الله کلهم عدول ” نه چا جرح ورباندى کړى اونه جواز لري چى سوک په صحابه کرامو جرحه وکړي (البته له ستاسو اوفرق باطلو بغير)
    او بل داچى صحابه کرام (که چېرې ستاخبره بالفرض صحيح شى) ددې وعيد مستحق به وګرځي “من کذب علي متعمدا فاليتبوﺀ مقعده من النار” ا(او داخو ډېره خطرناکه او باطله عقيده ده او که بالفرض ستا دا خبره صحيح شى (چه داحاديثو اکثره راويان دصفين، جمل او نهروان دجنګونو برخه وال دي ) له دى امله په هغه اعتماد نشى کېدى نو نه يوازى يو څه احادیث بلکه ټول صحيح احاديث او قرآن کریم ددې دور څخه را تېر شوي او تر موږ را رسيدلي دي دا شک خو بیا په هغو هم کيداى شى ځکه داخو چانه ده معلومه کړې چې په هغه کې (البته ستا په وینا) (ددې درې جګړو د فکري عقیدتی تاثیر څخه به بې برخي نه وي )
    او ستا دا بله خبره (په هرحال هغه صحيح احاديث ټول معتبر دى کوم چې د عباداتو او نهى او منکر په هکله دقرانى ارشاداتو سره په کامل توازن اونبى ع دصالح يارانو په واسطه رانقل شوي وي ) نو على رض طلحة رض زبيررض او عائشةرضي الله عنها د رسو الله صلى الله عليه وسلم له ډېرو نږدې ملګرو او دوستانو څخه وو او په مذکوره جګړو کې يې هم برخه اخیستې وه او روايات هم لري نو اوس به څه کوې ( دلیل دي هم باطن شو او مدعی دي هم باطله شوه)
    خلاصه داچى داته (غ حضرت) کوم باطل دلائل وړاندى کوې ددې داثبات لپاره د اهل السنت والجماعت ديو څو محدثینو اقوال وړاندې کړه چى ستا نظر تايد وي اوکه نه وي نو ته( غ.حضرت) ددې ستر جنايت چى ته يې کوى منع شه او د اسلام په مبین دین کى د تحریف او مسلمانانوته په کې دشک اچولو څخه ځان وساته ځکه صحيح احاديث (هغه چى ورته محدىثنوکرامود صحيح ويلى دي ) دقران کريم شرحه او د اسلام دمبين دین دوهم ماخذ ده.

  10. غ حضرت صاحب تاسره څوک شخصی دښمنی نلری مایوسه کیږه مه خو نور کله دی استدلال دمسایلو په رڼا کی باور وکړه منطقی نه وی او له حقبقت سره دی واټن لری وی مګر دا پورتنی تبصره دی ښکلی او حقیقی ده او مکمل له حقیقت سره اړخ لګوی که همیشه مسایل د واقیعتونو له مخی وڅیړل شی دانتقاد دروازه بندیږی یوازی هغه کسان انتقاد کوی چی یا دتعصب ښکار دی یا یی له حقیقت انحراف کړی او یا هم دجهل توری تمبی دی چی له دغه رقم خلکو سره ډیر دلایل ویل هم پکار نه وی ځکه دهغو هدایت نصیب نه وی ۰خو واقعی او مستدلل خلک واقیعتونه څیړی او دواقبعتونو له مخی پریکړی کوی ۰ دغوربندی صاحب پورتنی یادونه هم انشاالله هم دا مطلب تری اخیستل کیږی والسلام

  11. د طالبانو لومړۍ ورځې وې ډير وخت ېې نه کیده چې زموږ سیمه ېې نیولې وه، موږ په حزب کې جهاد کړی ؤؤ نو ځکه به کمونستانو ډير پیغورونه راکول چې نور به د دوی په خبره د خپلو اعمالو( جهاد) او د کمونستانو د وژلو په سزا رسیږئ.
    موږ هم په ډار کې ؤ ځکه ځینې معلوم الحاله کمونستان او ځینې زموږ تنظیمي مخالفین ورسره نوي یو ځای شوي ؤ . زما او د وروڼو عمرونه مو کم ؤؤ او مشران ټول فراریان ؤؤ، په پټیو کې مو کار کاوه چې یو تره مې ډیر تیز راغی، په موږ ېې زیری وکړ چې طالبانو د کابل له نیولو سره نچیب په دار کړی او اوس هم په آریانا چوک را ځوړند دی، له خوشحالئ مو په سترګو کې اوښکې راغلې، ځکه زموږ د ۱۱ شهیدو ځوانانو د قاتل د په دار کیدو خبر مو اورید هغه هم د داسې چا په لاس چې موږ فکر کاوه، د امریکا او پاکستان لاس پوڅي دي او غواړي له مجاهدینو په دې وسیله غچ واخلي.
    هغه لاسونه له خدایه په اعلی جنت کې غواړم چې نجیب ېې مردار کړی، د کارمل هډوکي ېې تر آمو ها خوا وروار کړي او مزاري ېې مردار کړی.دا ارمان مو دې هم خدای ج په ژوند پوره کړي چې د ټولو خواوو مخلص مجاهدین د یوالي په ټغر ناست وي او په افغانستان او نړئ واقعي اسلامي حکومت تينګ وي.

  12. الجاج استاذ بیانزی

    ځدران صاحب !
    لمړی تاسی ته دا معلومه نه ده چه زه هیواد کی دننه او که بهر اوسیږم ، که ستاسی خبره ومنو چه زه بهر او په امریکا یا اروپا کی هستوګنه لرم ، زمکه د الله ج مالیکت دی الله ج فرمایی هغوی چه زما د احکامو پیروی نه کوی زما له زمکی دی ووځی ، یعنی هغوی چه کفار دی د الله ج له احکامو تیری کوی هغوی د دی زمکی د یوی کوچنی ذری مالیکت نه لری هعه چه دوی ورته خپل هیوادونه وایی هغه یی غصب کړی او اوس زمونږ د هیوادو د غصبولو پسی یی بډی وهلی دی .
    د هغوی په هیوادو کی زمونږ بودن او نه بودن د هغوی د وحشت ، تیری او ظلم مخنیوی نه کوی حتی که مونږ د امریکایانو سره ملګری هم شوی د هغوی اشغال په خپل حال دی او که مونږ د هغوی په اشغال خوشاله وی مونږ ته به یی هم د غنی، کرزی او نورو غلامانو په شان کوم وزارت، ریاست یا ولایت راکړی وی ، که مونږ چیری نرسینګ زده کړی ترلاسه کړی او یا داکتران یو دا زمونږ خبلی هڅی او وسی دی هر چیری چه داکتر یا انجینر کار کوی هغه دده د لاس حلاله لاسته راوړنه ده په دی شرط چه قصدا غلطی او غفلت پکی ونه کړی .
    تاسی لیکلی چه طالبان یی په ډیرو مشکلاتو سره زخمی کړی او تاسی یی هلته بیا معالجه کوی . طالبان یی په مشکلاتو نه په ډیره اسانه نه یواځی زخمی بلکه وژنی یی هم . او که مونږ داکتران او نرسان یو او حتی د طالبان سره یو او کوم امریکایی زخمی او طالبانو سره بندی وی مونږ داکتران او نرسان د اسلام د مخی باید د هغوی معالجه د نورو مسلمانانو په شان ترسره کړو ، یعنی داکتران او نرسان باید په معالحه کی کوم اړخ نه لری .
    ځدران صاحب !
    دا سمه ده چه مونږ په کوټولو لغاتو یا جملو د مقابل اړخ د ماتولو هڅی لرو ، تر څو ساده مسلمانان خطا باسو مګر هغه څوک چه مونږ یی نه شو خطا ایستلی هغه الله ج او ورپسی خپل وجدانونه نه شو خطا ایستلی . دا ژوند ډیر ژر تیریږی او معلوم هم نه دی چه کله به مرو ، په کار داده چه په خپلو خولو تویولو او همت یی وګټو او بیا خبلو بچیانو ته روزی جوړه کړو او خپلو بچیانو ته د غیرت او همت درس هم ورکړو .
    زه تاسی ته سوګند یادوم ، چه تر کرزی ، ع ا، غ او داسی نورو غلامانو ډير کسان د حکومت کولو مسلکی ښی زده کړی او تجربه لری په ځآنګړی ډول هغوی چه د شمالی او جنوبی ټلوالی اخوانیان او کموستان دی یعنی له افغانستان نه دی وتلی او نه یی زده کړی او که زده کړی لری هغه هم د خلکو د وژلو او فساد زده کړی او تجربه لری مګر نن ریسان، وزیران ، والیان ، وکیلان ، جنراالان او قاضیان دی ځکه د فساد کچه تر اسمانو هم پورته شوی خیر که دا اشغال هم وی پاکستان او هند هم اشغال شوی هیوادونه دی مګر د اشغګلرو پوستونه د هندوانو او پنجابیانو یا پنچابی پشتنو سره دی یو څه ناڅه مسلکی کسان دی په هغو رشتو کی مسلکی زده کړی او تچربه لری هیوادونه یی سره د غلامی پرمخ تللی ، مګر زمونږ هیواد د تباهیو ، ګداییو او بی عزتیو سره مخ دی . بخشنه کوی تر دی کچی زمونږ لوړپوړی چارواکی غلامان دی چه له هر څه ډالر تر لاسه کولای شی تر لاسه کوی یی . مننه

  13. ښاغلی غوربندی صاحب ته او همدارنګه ناپېژند صاحب ته پسله سلامونو!
    غوربندی صاحب! وخت او حوصله مو نه نیسم فقط دا یو دوه ټکی عرض:
    که تاسی طالبانو هر وخت د وطن څخه امریکائي- انګریزی اشغالګران په خپل مُټ وایستل او تاسی هر وخت د افغان د وینو تویول حرام وبلل او که تاسی هر وخت پنجاپی جنرال او مُلا له ځانه وشړل نو هغه وخت به زه فقیر او زما غوندی خلګ ځانونه ستاسی د پښو خاوری وګڼو، تر هغه به همداسی ستاسی په خبره اوبو وړی بند غوندی یم.
    و امّا ناپېژند صاحب!
    په قرآن مجید کی ۴۹ ځله د ( تعقل) او د هغه د مشتقاتو بیان راغلی دی.
    ته پوهېږی دا ولی؟
    ګوره خدای پاک ډېر حکیم او مهربان ذات دی، خپل واجب وجود ئې په دیکتاتورانه ډول په بشر ندی پېژندلی بلکه بشر ته ئې د ( عقل) پنوم یو ډېر ښکلی او طلائي ترازو پلاس ورکړیدی. اصلاً بله خبره:
    د انسان جوړښت یو دیجیتالی ماشین ته ورته دی، په هغه کی هر ډول آلات او سامان تعبیه شویدی لکه عقل، فکر،علم، شعور،تدبیر،شهوت،غضب،عاطفه،کینه او……
    په پورته ټولو څیزونو کی فقط ( عقل) د خدای په نزد د ډېر محبوبیت څخه برخمن دی او خپل صالح بنده ئې پدې ښکلې ګېڼه سمبال کړیدی بناً د همدې ښکلی ګېڼې په نسبت ئې خپل د وجود او خپل د بې پایانه او بې مثاله قدرت د اعتراف پخاطر موږ ته د
    ( عقل) څخه د کار اخیستنی بلنه راکړېده.
    سبحانه و تعالی کولای شوای چه مستقیماً موږ ته وفرمائي چه زه ستاسی خدای یم چه که می څوک په پټو سترګو منی ښه دی که نه درلې د اور لمبې امّا سبحانه و تعالی په ډېره لطافت او ډېره مهربانی موږ ته فرمائي چه اې انسانانو، تاسی عقل په کار واچوی او شا او خوا وګوری، د آسمان نظاره وکی د مځکی او فلک او فصلونو او شپې او ورځی او لویو بدلونو نظاره وکی د انسان او نورو مخلوقاتو د خلقت د څرنګوالی ننداره او نظاره وکی او حتی د قرآن د اعجاز او الهی توب ننداره وکی څو زما د وحدانیت د اعتراف او اقرار دائرې ته داخل شی.
    ناپېژنده وروره:
    چه ماته سبحانه و تعالی د خلقت د لوئي او سترتوب د ایجاد په هکله د ( تعقل) اجازه راکړېده نو د ضعیف او جعلی حدیث په هکله د ( تعقل) اجازه به ئې ولی نه وی راکړې؟
    زه درته وایم دا د عقل خلاف دی چه له یوې لخوا د خدای او قرآن په حُکم، سیدنا نبی علی السلام د یو باحیاترین شخص پتوګه چه اصلاً نمونه او مثال ئې په مخلوقاتو کی نشته پېژنو او دبلی خوا بیا دا ومنو چه دې مکلمل او معصوم انسان د عثمان غوندی کس څخه حیا کړې وی، که کوم بل مورد وای ( مثلاً جسمانی زور، لیک لوست،کوم بل استعداد) ممکن د منلو وړ وای امّا د آنحضرت حیا او شرم او علم او اخلاق او زهد او تقوا اصلاً د یو صحابی سره څه چه حتی د ټولو انبیاوو علیهم السلام سره د مقایسې وړ ندی.
    تاسی خپله هم د خپلی تبصرې په ۳۱ مه کرښه کی ( عقل) ته اشاره کړېده، داچه تاسی عقل څه ته وایاست زه نه پوهېږم.
    بله خبره دا چه ما په تېره تبصره کی تاسی ته لیکلی وه چه زه هغه حدیث صحیح او معتبر بولم چه راوی ئې هم یو معتبر او صالح او نېک او د رسول الله( ص) نېک دوست وی.
    تاسی راته لیکلی دی چه ام المؤمنین عائشه او زبیر او طلحه هم د آنحضرت نژدې دوستان وه نو د هغوی د قول څخه ولی منکر یم.
    شریکه ډېری حساس ټکی ته دی اشاره وکړه، نه پوهېږم چه زما د جواب د تحمل قدرت به ولرې که نه، البته د مدرسې د استادانو او شاګردانو څخه هم مدد تر لاسه کولای شې که چیری هغوی هم وکولای شی.
    ګوره شریکه
    د قرآن د الهی ارشاداتو ( هم نهی او هم معروف) اجراء پر هر مسلمان فرض ده ( له اغا رسول الله څخه نیولې تر ما او تا پوری).
    پر حق پښه ایښودل او په ناحق وینی تویول او د اولوالامر په وړاندی بغاوت کول آیا د قرآنی ارشاداتو خلاف عمل ندی؟
    د جمل او صفین او نهروان د جنګونو عاملین آیا ټوله پر حق وه؟ که بلی نو درواغ به وی ځکه عقل ئې نه منی چه دوې جبهې دواړی پر حق وی، فرضاً که دواړی جبهې پر حق وبللی شی نو دلته د قتل او قتال د حرمت مسئله څنګه حلیږی؟
    که نه، یو طرف پر حق ؤ او بل طرف نا حق او یا دواړه طرفه پر باطل وه نو پدې صورت کی بیاهم د اصحابو عصمت تر پوښتنی لاندی راځی.
    که نه، تاسی اصلاً غواړی مسئله داسی توجیه او توضیح کی چه:
    نه ، هیڅوک حق نلری چه د تېرو تاریخی کیسو په هکله وږغېږی نو دا به ددې معنی ولری چه تاسی غواړی د نورو پر عقلونو او سترګو او قضاوتونو توره پرده و غوړوی چه دا به خپله یوه عقیدتی جفا وګڼل شی او هغه ( عقل) ته به سپکاوئ وګڼل شی کوم چه سبحانه و تعالی موږ ته په ډېری پېرزوینی په تحفه کی راکړیدی.عقل، عقل دی، څه د مځکی او آسمانانو او تکوین د څرنګوالی په هکله وی څه د تېرو تاریخی رښتینو پېښو د کنجکاوی او سیر او قضاوت په هکله وی.
    بناً #### هغه کسان چه د جمل او صفین جګړه ئې په لیاره اچولې ده هغوی یا یوه جبهه د حق او بله د باطل جبهه وه چه پدې اساس د باطلی جبهې او یا د هغوی د فکری یا فامیلی انډیوالانو روایت د حدیث په هکله شرعاً او عقلاً باطل دی.
    دا چه تر اوسه کومی ( اهل سنت والجماعه!!!) دستګاه هیڅ ډول د بخاری او نورو صحاح په هکله څه ندی ویلی، دا په ما څه اړه لری.
    یوه ناپُخته او وچه عقیده ممکن زرونه کلونه پر یوه بشری ټولنه حاکمه وی بناً د زمان طول به د همهغو عقائدو د مشروعیت او اهلیت په معنی نه وی.
    وروستۍ خبره داچه د بحث د ادمې څخه کومه بېره نلرم.

تبصره وکړه

ستاسو ایمیل ادرس به هیڅ کله نشر نه شي.