افغانستان

مشرانو جرګه: بهرنیان دې د جګړې پر ځای، پر سوله تمرکز وکړي

نن ټکی اسیا (پنجشنبه، ۶غويي، ۱۳۹۷ل): نن په بروکسل کې د ناټو د غړو هېوادونو د بهرنیو چارو وزیرانو ناسته روانه ده، چې د افغانستان موضوع يې هم وروسته پکې ځای کړه.

په دې غونډه کې د افغانستان په اړه د سولې او هممهاله د پوځیانو د لېږلو په تړاو خبرې روانې دي، چې مشرانو جرګې يې په اړه څرګندونې کړې دي.

د دې جرګې د کورني امنیت د کمیسیون مشر هاشم الکوزی وايي بهرنیان دې د پوځیانو له رالېږلو ډډه وکړي او د دې پر ځای دې پر سوله تمرکز وکړي.

الکوزی وايي جګړه د حل لاره نه ده؛ بهرنیان دې دلته پوځيان نه رالېږي او په وينا يې که له افغانانو سره د همکارۍ نیت لري، نو پر سوله دې ټینګار وکړي.

په ورته وخت کې په بروکسل کې د ناټو عمومي منشي هم د روانې جګړې په اړه ویلي، دوی دې پایلې ته رسېدلي چې دا جګړه پوځي حل نه لري.

دغه غونډه چې د ناټو د ۲۹ غړو هېوادونو د بهرنیو چارو وزیران يې ګډونوال دی، افغانستان پکې استازی نه لري، چې د افغان چارواکو په وینا دوی ته بلنه نه ده ورکړل شوې.

په ورته وخت کې ازادي راډيو په بروکسل کې د خپل همکار له خولې وايي چې د غونډې په اجنډا کې له پیله افغانستان نه و داخل؛ وروسته پکې ور اضافه شو.

د ولسي جرګې د دفاعي چارو کمیسیون مرستیال علي اکبر قاسمي بیا وايي، چې افغانان پر ناټو بې باوري شوي دي، په وینا يې ناټو له افغانانو سره لکه څومره چې لازمه وه همکاري نه ده کړې.

یاده دې وي دا په داسې حال کې دی چې دوه ورځې وړاندې د امریکا د دفاع وزار راپور ورکړ چې په تېرو دریو میاشتو کې يې نږدې ۱۲۰۰ بمونه پر افغان خاوره غورځولي دي.

طالبانو هم پرون، د خندق په نوم کلني عملیات اعلان کړ، چې تر اوسه يې په ګڼو ولایتونو کې د بریدونو خبرونه ورکړل شوي دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
افغان

د مشرانو جرګه وایی ، بهرنیان دی د جګړی په ځآی په سوله تمرکز وکړی هههههههههههههههه د دی په ځآی چه اشغلګر ورته ووایی د بهرنیانو نوم ورته اخلی لکه میرمنی چه خبلو میړونو ته له شرمه خپل نوم نه اخلی د یو ماشوم د پلار په نوم یی مسمی کوی د میرویس پلار داسی او داسی وویل . دوی هم د اشغګرو په ځای د بهرنیانو اصطلاح کاروی . لوی بیغیرتانو تر تاسی خو هغه فاحشی ښځی هم ډیر شرف لری خپلو لونډانو ته وخت ناوخت به نومونو ږغ کوی ځان پلورنه هم په ډیرو شرایطو او لاسته راوړنو… نور لوستل »

Back to top button
1
0
Would love your thoughts, please comment.x
()
x